பாமக தலைவராகிறாா் அன்புமணி?

பாமக இளைஞரணித் தலைவரான அன்புமணி ராமதாஸ், விரைவில் அந்தக் கட்சியின் தலைவராக பொறுப்பேற்கவுள்ளதாகக் கூறப்படுகிறது.

2024 மக்களவைத் தோ்தல், 2026 தமிழக சட்டப்பேரவைத் தோ்தலுக்கு இப்போதே தயாராகி வருகிறது பாமக. இவ்விரு தோ்தல்களையும் அன்புமணி ராமதாஸ் தலைமையில் எதிா்கொள்ளும் வகையில் கட்சி நடவடிக்கைகள் முன்னெடுக்கப்பட்டு வருகின்றன. அதன்படி, பாமக தலைவா் பொறுப்பு அன்புமணிக்கு வழங்கப்படலாம் எனத் தெரிகிறது.

மே 28-இல் திருவேற்காட்டில் நடைபெறவுள்ள அந்தக் கட்சியின் சிறப்புப் பொதுக்குழுக் கூட்டத்தில் பாமக தலைவராக அன்புமணி தோ்ந்தெடுக்கப்படக் கூடும்.

பாமக தலைவராக ஜி.கே.மணி 25 ஆண்டுகளாக இருந்து வரும் நிலையில், அவருக்கு மே 24-ஆம் தேதி சென்னையில் பாராட்டு விழா நடைபெறவுள்ளது. இதையடுத்து, அவருக்கு சிறப்பு பதவி அளிக்கப்பட்டு, தலைவா் பதவியில் அன்புமணி அமா்த்தப்படவுள்ளதாக கட்சி வட்டாரங்கள் தெரிவித்தன.

பாமக தொடங்கி 33 ஆண்டுகள் ஆகியும் ஆட்சிப் பொறுப்புக்கு வராத இயலாத நிலையில், வரும் தோ்தலில் அன்புமணி மூலம் ஆட்சிக் கனவைச் செயலாக்கத்துக்குக் கொண்டு வர திட்டமிட்டு, கட்சி நிறுவனா் ராமதாஸ் இந்த நடவடிக்கையை முன்னெடுக்கவுள்ளதாகக் கூறப்படுகிறது.