மழைநீா் வடிகால் பணி: ஆணையா் ஆய்வு

பெருநகர சென்னை மாநகராட்சி திரு.வி.க.நகா் மண்டலத்திற்குட்பட்ட பகுதிகளில் நடைபெற்று வரும் மழைநீா் வடிகால் பணிகளை ஆணையா் ககன்தீப்சிங் பேடி வியாழக்கிழமை ஆய்வு செய்தாா்.

சென்னை மாநகராட்சி, திரு.வி.க.நகா் மண்டலம் 64-ஆவது வாா்டு வீனஸ் நகா் முதல் பிரதான சாலை மற்றும் 200 அடி சாலை, டெம்பிள் பள்ளி சந்திப்பில் ரூ.4.28 கோடி மதிப்பிலும், வாா்டு 65-இல் பூம்புகாா் நகா் 5-ஆவது தெரு மற்றும் முதல் பிரதான சாலை, கொளத்தூா் பிரதான சாலை, பேப்பா் மில்ஸ் சாலை ஆகிய பகுதிகளில் ரூ.7.92 கோடி மதிப்பிலும், வாா்டு 66-இல் வேலவன் நகா் பிரதான சாலை, குமரன் நகா் 80 அடி சாலை மற்றும் தணிக்காசலம் கால்வாய் பகுதிகளில் ரூ.5.58 கோடி மதிப்பிலும் புதிய மழைநீா் வடிகால் அமைக்கும் பணிகள் நடைபெற்று வருகின்றன.

மேலும், வாா்டு 68-இல் ஜகநாதன் சாலை மற்றும் எம்.ஹெச். சாலை பகுதியில் ரூ.6.28 கோடி மதிப்பிலும், வாா்டு 67-இல் பேப்பா் மில்ஸ் சாலை குறுக்கே மற்றும் எஸ்.ஆா்.பி. கோயில் பகுதியில் ரூ.13.20 கோடி மதிப்பிலும் புதிய மழைநீா் வடிகால் அமைக்கும் பணிகள் நடைபெற்று வருகின்றன. இப்பணிகளை மாநகராட்சி ஆணையா் ககன்தீப்சிங் பேடி வியாழக்கிழமை ஆய்வு மேற்கொண்டதுடன், கட்டுமானப் பணிகளை விரைந்து முடிக்க அதிகாரிகளுக்கு உத்தரவிட்டாா். ஆய்வின்போது, மண்டலக்குழுத் தலைவா் சரிதா, மத்திய வட்டார துணை ஆணையா் எஸ்.ஷேக் அப்துல் ரஹ்மான் உள்ளிட்டோா் உடனிருந்தனா்.