44 இடங்களில் ஆா்எஸ்எஸ் அணிவகுப்புக்கு அனுமதி: உயா்நீதிமன்றம் உத்தரவு

தமிழகத்தில் 44 இடங்களில் ஆா்எஸ்எஸ் அணிவகுப்புக்கு அனுமதி வழங்கி சென்னை உயா்நீதிமன்றம் உத்தரவிட்டது.

அக். 2-ஆம் தேதி ஆா்எஸ்எஸ் அணிவகுப்பு ஊா்வலத்துக்கு அனுமதி வழங்க மறுத்த காவல் துறையின் உத்தரவுகளை எதிா்த்து, ஆா்எஸ்எஸ் அமைப்பைச் சோ்ந்த 50-க்கும் மேற்பட்டோா் தொடுத்த வழக்குகளை விசாரித்த உயா்நீதிமன்றம், நவ. 6-ஆம் தேதி ஊா்வலத்தை நடத்த அனுமதிக்க உத்தரவிட்டது. மேலும், அதற்கான நிபந்தனைகளை விதித்து, அனுமதி வழங்க காவல் துறைக்கு உத்தரவிட்டிருந்தது. ஆனால், பல இடங்களில் அனுமதி வழங்கவில்லை எனக் கூறி காவல் துறைக்கு எதிராக நீதிமன்ற அவமதிப்பு வழக்குகள் தாக்கல் செய்யப்பட்டன.

இந்த வழக்கு கடந்த முறை விசாரணைக்கு வந்தபோது காவல் துறை தரப்பில், ‘ஆா்எஸ்எஸ் ஊா்வலத்துக்கு அனுமதி வழங்க வேண்டும் என்று செப். 30-ஆம் தேதி நீதிமன்றம் பிறப்பித்த உத்தரவுக்கு பிறகு வேறு மாதிரியான சூழல் ஏற்பட்டுள்ளது. அதை கருத்தில்கொண்டே 3 இடங்களில் மட்டும் அனுமதி வழங்கப்பட்டது. மேலும், 23 இடங்களில் உள்ளரங்கு கூட்டமாக நடத்திக்கொள்வதாக இருந்தால் அனுமதி வழங்க காவல் துறை தயாராக உள்ளது.

ஆனால், எஞ்சியுள்ள 24 இடங்களில் அனுமதி வழங்க இயலாது. மேலும், பல இடங்களில் கனமழை எச்சரிக்கையும் விடுக்கப்பட்டுள்ளதால் வருவாய்த் துறை, காவல் துறையினரை பாதுகாப்புப் பணியில் ஈடுபடுத்த வேண்டியுள்ளது.

விடுதலைச் சிறுத்தைகள் கட்சி, நாம் தமிழா் கட்சி ஆகியவை மனிதச் சங்கிலிக்கு அனுமதி கோரியதால் அவா்களுக்கு அனுமதி வழங்கப்பட்டது. ஆனால், ஆா்எஸ்எஸ் பேரணிக்கு அனுமதி கேட்பதால் அவா்களுக்கு வழங்க முடியாது’ என்று வாதிடப்பட்டது.

இதையடுத்து வழக்கை விசாரித்த உயா்நீதிமன்றம், உளவுத் துறை அறிக்கையை பாா்த்த பிறகு 47 இடங்களில் ஊா்வலத்துக்கு அனுமதி வழங்க வேண்டுமா, வேண்டாமா என்பது குறித்து உத்தரவு பிறப்பிப்பதாகக் கூறி விசாரணையை ஒத்திவைத்தது.

இந்த வழக்கு நீதிபதி ஜி.கே.இளந்திரையன் முன் வெள்ளிக்கிழமை மீண்டும் விசாரணைக்கு வந்தது. அப்போது ‘காவல் துறை தாக்கல் செய்த உளவுத் துறை அறிக்கைகள் முழுமையாக ஆராயப்பட்டன. கடந்த ஆண்டுகளில் நிகழ்ந்த குற்றச் சம்பவங்களையும், வழக்குகளையும்தான் காவல் துறை சுட்டிக்காட்டியுள்ளது. புதிய வழக்குகள் எதையும் குறிப்பிடவில்லை. எனவே, கோவை, பொள்ளாச்சி, மேட்டுப்பாளையம், பல்லடம், அருமனை, நாகா்கோவில் ஆகிய இடங்களைத் தவிர மற்ற இடங்களில் அனுமதி வழங்கலாம்’”என்று நீதிபதி உத்தரவிட்டாா்.

மேலும், இந்த 6 இடங்களைத் தவிர காவல் துறை ஏற்கெனவே அனுமதி வழங்கியிருந்த 3 இடங்களையும் சோ்த்து 44 இடங்களில் ஆா்எஸ்எஸ் ஊா்வலம் நடத்தலாம். உள்ளரங்கு கூட்டமாக பரிந்துரைக்கப்பட்ட இடங்களில் அரங்குகளில் இல்லாமல் விளையாட்டுத் திடல்களைத் தோ்வு செய்யலாம் என்றும் உத்தரவிட்டாா்.

அத்துடன், தற்போது அனுமதி வழங்கப்படாத 6 இடங்களில் மட்டும் இயல்பு நிலை திரும்பும்வரை ஆா்எஸ்எஸ் காத்திருக்க வேண்டும் எனவும், இந்த இடங்களில் 2 மாதங்களுக்குப் பிறகு ஆா்எஸ்எஸ் ஊா்வலம் நடத்த அனுமதி கோரி புதிதாக மனு அளிக்கலாம் என்றும் நீதிபதி தனது உத்தரவில் குறிப்பிட்டுள்ளாா்.