தமிழகத்தில் 15 நகரங்களில் 100 டிகிரி வெயில்

தமிழகத்தில் சென்னை உள்பட15 நகரங்களில் வியாழக்கிழமை வெயில் அளவு 100 டிகிரி பாரன்ஹீட்டை கடந்து பதிவானது.

சென்னை வானிலை ஆய்வு மையம் சாா்பில் வியாழக்கிழமை வெளியிடப்பட்டவெப்ப அளவு (டிகிரி பாரன்ஹீட்) விவரம்:

ஈரோடு - 105.8, மதுரை விமான நிலையம் - 105.44, பரமத்தி வேலூா் - 104.9, வேலூா் - 104.72, திருச்சி - 104.54, மதுரை நகரம் - 103.64, சென்னை மீனம்பாக்கம் - 103.46, திருத்தணி - 103.28, சேலம் - 103.1, தஞ்சாவூா் - 102.2, திருப்பத்தூா் - 101.84, பாளையங்கோட்டை - 101.66, புதுச்சேரி 101.48, தருமபுரி - 101.3, கடலூா் - 101.12, நாகை 101.12, சென்னை நுங்கம்பாக்கம் - 100.58.

மிதமான மழைக்கு வாய்ப்பு: தென் இந்தியப் பகுதிகளின் மேல் வளி மண்டலத்தின் கீழடுக்குகளில் கிழக்கு திசை காற்றும், மேற்கு திசை காற்றும் சந்திக்கும் பகுதி நிலவக்கூடும்.

இதன் காரணமாக, வெள்ளிக்கிழமை முதல் திங்கள்கிழமை (ஏப்.24) வரை 4 நாள்கள் தமிழ்நாடு, புதுச்சேரி, காரைக் கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும்.

சென்னை மற்றும் புகா் பகுதிகளில் அடுத்த 48 மணி நேரத்தில் வானம் ஓரளவு மேக மூட்டத்துடன் காணப்படும். சென்னையில் அதிகபட்ச வெப்பநிலை 100 டிகிரி, குறைந்தபட்ச வெப்பநிலை 82 டிகிரி என்ற அளவில் இருக்கக்கூடும் எனத் தெரிவிக்கப்பட்டுள்ளது.