ஜனவரியில் 66 லட்சம் பயணிகள்: மெட்ரோ நிர்வாகம்

2023 ஜனவரி மாதத்தில் சென்னை மெட்ரோ ரயில்களில் 66 லட்சம் பயணிகள் பயணம் செய்துள்ளதாக மெட்ரோ நிர்வாகம் அறிவித்துள்ளது. 

2022ம் ஆண்டு டிசம்பர் மாதத்தை விட 2023 ஜனவரி மாதத்தில் 1.48 லட்சம் பயணிகள் மெட்ரோ ரயிலில் அதிகமாக பயணித்துள்ளதாகவும் குறிப்பிட்டுள்ளது. 

படிக்க | பட்ஜெட்டில் தமிழக மக்களுக்கு ஏமாற்றம்: மு.க. ஸ்டாலின்

இது தொடர்பாக மெட்ரோ நிர்வாகம் தெரிவித்துள்ளதாவது, ஜனவரி 1 முதல் 31ஆம் தேதி வரை 66,07,458 பயணிகள் மெட்ரோ ரயில்களில் பயணம் செய்துள்ளனர். அதிகபட்சமாக ஜனவரி 13ஆம் தேதி 2.65 லட்சம் பயணிகள் மெட்ரோ ரயில்களில் பயணம் செய்துள்ளனர். 

ஜனவரி மாதத்தில் மட்டும் க்யுஆர் குறியீடு பயணச்சீட்டு முறையைப் பயன்படுத்தி 21,96,536 பயணிகள் மெட்ரோ ரயில்களில் பயணம் செய்துள்ளனர். பயண அட்டைகளை  பயன்படுத்தி 39,54,733 பயணிகள் பயணித்துள்ளனர் எனத் தெரிவிக்கப்பட்டுள்ளது.