தெற்கு ரயில்வே திட்டங்கள்: எம்.பி.க்களுடன் இன்று ஆலோசனை

தெற்கு ரயில்வேவின் புதிய திட்டங்கள் குறித்து எம்.பி.க்களுடன் ரயில்வே அதிகாரிகள் இன்று ஆலோசனை நடத்துகிறார்கள்.

தெற்கு ரயில்வேவின் கீழ் சென்னை, திருவனந்தபுரம், பாலக்காடு, சேலம், திருச்சி, மதுரை ஆகிய 6 கோட்டங்கள் உள்ளன. இந்த மாத தொடக்கத்தில் தாக்கல் செய்யப்பட்ட மத்திய பட்ஜெட்டில் ரயில்வேவுக்கு பல்வேறு திட்டங்கள் அறிவிக்கப்பட்டன.

இந்நிலையில், தெற்கு ரயில்வேவுக்கு அறிவிக்கப்பட்ட திட்டங்கள் குறித்து 6 கோட்டங்களின் கீழ் உள்ள எம்.பி.க்களுடன் ரயில்வே அதிகாரிகள் இன்று ஆலோசனை நடத்துகிறார்கள்.

சென்னையில் உள்ள தெற்கு ரயில்வே தலைமை அலுவலகத்தில் நடைபெறும் இந்த ஆலோசனை கூட்டம் தெற்கு ரயில்வே பொது மேலாளர் ஆர்.என்.சிங் தலைமையில் நடைபெறுகிறது.