கடலூர் மாவட்டத்துக்கு ஜன. 6 ஆம் தேதி உள்ளூர் விடுமுறை!

கடலூர் மாவட்டத்துக்கு ஜனவரி 6 ஆம் தேதி(வெள்ளிக்கிழமை) உள்ளூர் விடுமுறை அறிவிக்கப்பட்டுள்ளது. 

கடலூர் மாவட்டம் சிதம்பரம் நடராஜர் கோயிலில் மார்கழி மாதம் ஆருத்ரா தரிசன விழா கொண்டாடப்படுவது வழக்கம். மார்கழி மாதம் திருவாதிரை நட்சத்திரம் அன்று இந்த விழா நடைபெறும். ஆருத்ரா என்பது திருவாதிரை நட்சத்திரத்தைக் குறிக்கும். 

இந்நிலையில், வருகிற ஜனவரி 6 ஆம் தேதி (வெள்ளிக்கிழமை) சிதம்பரம் நடராஜர் கோயிலில் ஆருத்ரா தரிசனம் நடைபெறுவதால் கடலூர் மாவட்டத்துக்கு அன்றைய தினம் உள்ளூர் விடுமுறை அறிவிக்கப்பட்டுள்ளது. 

விடுமுறையை ஈடு செய்யும் விதமாக ஜனவரி 28 ஆம் தேதி வேலை நாள் என்று மாவட்ட நிர்வாகம் அறிவித்துள்ளது. 

இதையும் படிக்க | புத்தாண்டு கொண்டாட்டத்தில் முகக்கவசம் கட்டாயம்: அமைச்சர் மா.சுப்பிரமணியன்