தக்காளி விலை ரூ.10 குறைவு! கிலோ எவ்வளவு தெரியுமா?

சென்னை கோயம்பேட்டில் மொத்த கொள்முதல் விலையில் தக்காளி விலை ரூ.10 குறைந்துள்ளதாகத் தெரிவிக்கப்பட்டுள்ளது.

கோப்புப் படம்

Updated On :6 பிப்ரவரி 2024, 1:01 pm

பகிர்:

சென்னை கோயம்பேட்டில் மொத்த கொள்முதல் விலையில் தக்காளி விலை ரூ.10 குறைந்துள்ளதாகத் தெரிவிக்கப்பட்டுள்ளது.

இதனால் தக்காளி விலை 80 ரூபாய்க்கு விற்பனை செய்யப்படுகிறது.

நாட்டின் ஒரு சில பகுதிகளில் கனமழை, கடந்த சில மாதங்களில் வெப்பம் அதிகரிப்பு உள்ளிட்ட காரணங்களால் தக்காளி வரத்து குறைந்துள்ளது.

இதனால் நாடு முழுவதும் தக்காளி விலை வரலாறு காணாத அளவு உயர்ந்துள்ளது. பல பகுதிகளில் ஒரு கிலோ தக்காளி ரூ. 100-க்கும் அதிகமாக விற்பனை செய்யப்பட்டு வருகிறது.

நாட்டில் அதிகபட்சமாக உத்தரகண்ட் மாநிலத்தில் கங்கோத்ரி தாம் பகுதியில் ஒரு கிலோ தக்காளி ரூ. 250க்கு விற்பனை செய்யப்படுகிறது. உத்தரகாசியில் ரூ. 180 முதல் ரூ.200 வரை விற்பனையாகிறது.

பல்வேறு நகரங்களில் தக்காளி விலை அதிகரித்துள்ள நிலையில், சென்னையில் ஒரு கிலோ தக்காளி சில்லறை விற்பனையில் ரூ. 100 முதல் 130 வரையில் விற்பனை செய்யப்பட்டு வந்தது.

இன்றைய நிலவரப்படி கோயம்பேடு சந்தையில் மொத்தவிலை தக்காளி ரூ.10 குறைந்து 80 ரூபாய்க்கு விற்பனை செய்யப்படுகிறது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News