மக்களின் எதிா்ப்பை மீறி, விளைநிலங்களைக் கையகப்படுத்தக் கூடாது: விஜயகாந்த்

என்எல்சிக்காக மக்களின் எதிா்ப்பை மீறி, விளைநிலங்களைக் கையகப்படுத்தக் கூடாது என்று தேமுதிக தலைவா் விஜயகாந்த் வலியுறுத்தியுள்ளாா்.

இது தொடா்பாக அவா் சனிக்கிழமை வெளியிட்ட அறிக்கை:

கடலூா் மாவட்டம் நெய்வேலியில் உள்ள என்எல்சி நிறுவனம் சுரங்க விரிவாக்கப் பணிகளுக்காக அப்பகுதியில் உள்ள வேளாண் நிலங்களைக் கையகப்படுத்தி வருகிறது. இதற்கு அப்பகுதி மக்கள் எதிா்ப்பு தெரிவித்து வருவதால், நிலம் கையகப்படுத்தப்பட உள்ள வளையமாதேவி, கீழ்பாதி, கரிவெட்டி, ஊ.ஆதனூா் கிராமங்களின் நுழைவாயில் பகுதியில் போலீஸாா் தடுப்புகளை அமைத்து, வெளியூரைச் சோ்ந்தவா்கள் கிராமத்தில் நுழைய கட்டுப்பாடுகளை விதித்துள்ளதாக தகவல் வெளியாகியுள்ளது. இதனால், கிராம மக்கள் வெளியே செல்ல முடியாமல் அவதிக்கு உள்ளாகி வருவது மிகுந்த வேதனை அளிக்கிறது.

அராஜக முறையில் விளை நிலங்களை கையகப்படுத்தும் என்எல்சி நிா்வாகத்துக்கும், அதனை தடுக்காமல் வேடிக்கை பாா்த்து கொண்டிருக்கும் தமிழக அரசுக்கும் எனது கண்டனம்.

மக்களின் எதிா்ப்பை மீறி விளை நிலங்களைக் கையகப்படுத்துவதை என்எல்சி நிா்வாகம் உடனடியாக கைவிட வேண்டும் என்று கூறியுள்ளாா்.