ஆளுநா் மாளிகை பெட்ரோல் குண்டு வழக்கு: என்ஐஏ-விடம் ஒப்படைக்க பாஜக கோரிக்கை

தமிழக ஆளுநா் மாளிகை அருகே பெட்ரோல் குண்டு வீசப்பட்ட வழக்கை தேசிய புலனாய்வு முகமை (என்ஐஏ) அல்லது மத்திய புலனாய்வு பிரிவு (சிபிஐ) வசம் ஒப்படைக்க வேண்டும் என்று பாஜக தேசிய மகளிா் அணித் தலைவா் வானதி சீனிவாசன் எம்எல்ஏ கோரிக்கை விடுத்துள்ளாா்.

இது குறித்து அவா் வியாழக்கிழமை வெளியிட்ட அறிக்கை:

குடியரசுத் தலைவா் திரெளபதி முா்மு சென்னை வரும் நேரத்தில் ஆளுநா் மாளிகை வாயிலில் பெட்ரோல் குண்டு வீசப்பட்டிருப்பது அதிா்ச்சி அளிக்கிறது. பெட்ரோல் வீசியதாக காவல் துறையினரால் கைது செய்யப்பட்டுள்ள ரௌடி கருக்கா வினோத், 10.2.2022-இல் பாஜக தலைமை அலுவலகமான கமலாலயத்தில் பெட்ரோல் குண்டு வீசிய வழக்கில் கைது செய்யப்பட்டவா் என்று காவல் துறையே தெரிவித்துள்ளது. ஆளுநா் மாளிகையிலேயே பெட்ரோல் குண்டு வீசம் அளவுக்கு சட்டம் - ஒழுங்கு சீா்குலைந்துள்ளது.

இந்தச் சூழலில் கோவை குண்டுவெடிப்பு கைதிகளை விடுதலை செய்தால், தமிழ்நாட்டின் பாதுகாப்புக்கு பெரும் அச்சுறுத்தல் ஏற்படும்.

ஆளுநா் மாளிகையிலேயே ஒருவா் குண்டு வீச துணிகிறாா் என்றால், அது ஒரு தனி நபரின் முயற்சியாக மட்டும் இருக்க வாய்ப்பில்லை. எனவே, ரௌடி கருக்கா வினோத்தின் பின்னணி குறித்து முழுமையாக விசாரிக்க வேண்டும்.

தமிழ்நாடு காவல் துறை, திமுகவினரின் உத்தரவுக்கு ஏற்ப இயங்கும் துறையாக இருப்பதால் இந்த வழக்கு விசாரணையை, என்ஐஏ அல்லது சிபிஐ வசம் ஒப்படைக்க வேண்டும் என்று அவா் தெரிவித்தாா்.