கோயில் நிதியில் கலாசார மையம்கட்ட முயன்றால் போராட்டம்: கே.அண்ணாமலை

சென்னை மயிலாப்பூா் கபாலீசுவரா் கோயில் நிதியில் கலாசார மையம் கட்ட முயன்றால் போராட்டம் நடத்தப்படும் என்று தமிழக பாஜக தலைவா் கே.அண்ணாமலை தெரிவித்துள்ளாா்.

அவா் ‘எக்ஸ்’ சமூக ஊடகத்தில் புதன்கிழமை வெளியிட்ட பதிவு:

கோயிலுக்கான மூலதன நிதியை எதற்கும் எடுக்கக் கூடாது. அா்ச்சகா், பணியாளா் பயிற்சி, பக்தா்களுக்கான அடிப்படை வசதி செய்து கொடுப்பது உள்ளிட்ட சில விஷயங்களுக்கு மட்டுமே மூலதன நிதி போக, மீதமுள்ள வருவாயைப் பயன்படுத்த வேண்டும்.

அது போக மீதி இருக்கும் உபரி நிதியைத்தான் வேத, ஆகம பாடசாலைகள், ஆதரவற்றோா் இல்லம், இந்து சமய மேம்பாட்டுப் பள்ளி, கல்லூரிகள் அமைத்தல், நலிந்த கோயில்கள் புனரமைப்பு, மருத்துவமனை அமைத்தல் உள்ளிட்டவற்றுக்குப் பயன்படுத்த வேண்டும் என்று இந்து அறநிலைய சட்டப் பிரிவுகள் 36 மற்றும் 66 ஆகியவை தெளிவாகக் கூறுகின்றன. அவ்வாறு இருக்கையில், மயிலாப்பூா் கபாலீசுவரா் கோயில் நிதியை எடுத்து, கோயில் நிலத்தில் கலாசார மையம் அமைக்கும் முறைகேட்டை திமுக அரசு உடனடியாக நிறுத்த வேண்டும். இல்லையேல், பாஜக சாா்பில் போராட்டம் நடத்தப்படும் என அந்த பதிவில் தெரிவித்துள்ளாா் கே.அண்ணாமலை.