அடுத்த 3 மணி நேரத்தில் 7 மாவட்டங்களில் மழைக்கு வாய்ப்பு!

தமிழகத்தில் அடுத்த 3 மணி நேரத்தில் 7 மாவட்டங்களின் மிதமான மழைக்கு வாய்ப்புள்ளதாக வானிலை ஆய்வு மையம் தகவல் தெரிவித்துள்ளது. 

மழை நிலவரம் குறித்து வானிலை ஆய்வு மையம் வெளியிட்ட தகவலில், 

இலங்கை மற்றும் அதனை ஒட்டிய குமரிக்கடல் பகுதிகளில் ஒரு வளிமண்டல கீழடுக்கு சுழற்சி நிலவி வருகின்றது. 

இதன் காரணமாக, தமிழகத்தின் பல மாவட்டங்களில் கடந்த இரண்டு நாள்களாக விட்டுவிட்டுப் பரவலாக மழை பெய்து வருகின்றது. இதனால் மக்கள் மகிழ்ச்சியடைந்துள்ளனர். 

படிக்க: ஒடிசாவின் 26வது ஆளுநராக ரகுவர் தாஸ் பதவியேற்பு!

இந்த நிலையில், அடுத்த 3 மணி நேரத்தில் சென்னை, திருவள்ளூர், காஞ்சிபுரம், செங்கல்பட்டு, ராமநாதபுரம், கன்னியாகுமரி, நெல்லை ஆகிய ஏழு மாவட்டங்களில் மிதமான மழை பெய்யும் என கணிக்கப்பட்டுள்ளது.