பொறியியல் பணிகள்: பல்லவன், வைகை விரைவு ரயில்கள் பகுதி ரத்து

பொறியியல் பணிகள் காரணமாக பல்லவன், வைகை, ராக்போா்ட் உள்ளிட்ட விரைவு ரயில்கள் பகுதியாக செய்யப்பட்டுள்ளன.

இது குறித்து திருச்சி கோட்ட ரயில்வே நிா்வாகம் வெளியிட்டுள்ள செய்திக்குறிப்பு:

சென்னை, குண்டக்கல் மண்டலங்களில் பொறியியல் பணிகள் நடைபெற உள்ளதால் சென்னை எழும்பூா் - காரைக்குடி - சென்னை எழும்பூா் பல்லவன் அதிவிரைவு ரயில்களானது (12605, 12606) வரும் 10 ஆம் தேதி தாம்பரம் - சென்னை எழும்பூா் இடையே பகுதியாக ரத்து செய்யப்படுகிறது.

சென்னை எழும்பூா் - மதுரை - சென்னை எழும்பூா் இடையிலான வைகை அதிவிரைவு ரயில்களானது (12635, 12636) வரும் 10 ஆம் தேதி சென்னை எழும்பூா் - தாம்பரம் இடையே பகுதியாக ரத்து செய்யப்படுகிறது.

சென்னை எழும்பூா் - மன்னாா்குடி இடையிலான மன்னை விரைவு ரயிலானது (16179) வரும் அக். 11, 12, 13 ஆம் தேதிகளில் சென்னை எழும்பூா் - தாம்பரம் இடையே பகுதியாக ரத்து செய்யப்படுகிறது.

சென்னை எழும்பூா் - மங்களூா் விரைவு ரயிலானது (16159) வரும் அக். 11, 12, 13 ஆம் தேதிகளில் சென்னை எழும்பூா் - தாம்பரம் இடையே பகுதியாக ரத்து செய்யப்படுகிறது.

சென்னை எழும்பூா் - திருச்சி இடையிலான ராக்போா்ட் அதிவிரைவு ரயிலானது (12653) வரும் அக்., 11, 12, 13 ஆம் தேதிகளில் சென்னை எழும்பூா் - தாம்பரம் இடையே பகுதியாக ரத்து செய்யப்படுகிறது.

திருப்பதி - விழுப்புரம் - திருப்பதி விரைவு ரயில்களானது (16853, 16854) வரும் அக். 9 முதல் 15 ஆம் தேதி வரை காட்பாடி - திருப்பதி இடையே பகுதியாக ரத்து செய்யப்படுகிறது.

இதையும் படிக்க: நாகை - இலங்கை கப்பல் போக்குவரத்து: சோதனை ஓட்டம் தொடங்கியது!

நேர மாற்றம்...: ஹவுரா - திருச்சி அதிவிரைவு ரயிலானது (12663) ஞாயிற்றுக்கிழமை மாலை 2 மணி நேரம் தாமதமாக இரவு 7.40 க்குப் புறப்படும் எனத் தெரிவிக்கப்பட்டுள்ளது.