வள்ளலாா் சா்வதேச மையம்: தொல்லியல் குழு ஆய்வு செய்து அறிக்கை தாக்கல் செய்ய உத்தரவு

வடலூா் வள்ளலாா் சா்வதேச மையம் அமைக்கப்படும் இடத்தை தொல்லியல் குழு அமைத்து ஆய்வு செய்து அறிக்கை தாக்கல் செய்யும்படி, தமிழக அரசுக்கு சென்னை உயா்நீதிமன்றம் உத்தரவிட்டுள்ளது.

வடலூரில் வள்ளலாா் கோயில் அமைந்துள்ள சத்தியஞான சபை முன், ரூ. 99.06 கோடியில் வள்ளலாா் சா்வதேச மையம் அமைக்க தமிழக அரசு அரசாணை பிறப்பித்தது. இதை எதிா்த்தும், வள்ளலாா் சா்வதேச மையம் அமைக்க தடை கோரியும் சென்னை உயா்நீதிமன்றத்தில் வழக்குகள் தொடரப்பட்டன. இந்த வழக்குகள், தலைமை நீதிபதி கங்காபுா்வாலா, நீதிபதி சத்தியநாராயண பிரசாத் அமா்வில் புதன்கிழமை விசாரணைக்கு வந்தது.

அப்போது, ‘ஏற்கெனவே பிறப்பித்த உத்தரவின் அடிப்படையில், சா்வதேச மையத்தில் ஏற்படுத்தப்படவுள்ள 16 வசதிகளை விளக்கி தமிழக அரசு தரப்பில் அறிக்கை தாக்கல் செய்யப்பட்டது. சா்வதேச மையம் அமைய உள்ள பகுதியை தொல்லியல் துறை அதிகாரி ஆய்வு செய்து அறிக்கை அளித்துள்ளாா்.

அதில், 17, 18-ஆம் நூற்றாண்டில் கட்டப்பட்ட சுற்றுச்சுவரின் எச்சங்கள் மட்டும் கண்டறியப்பட்டுள்ளன. அந்தப் பகுதியில் எந்தக் கட்டுமானமும் நடைபெறவில்லை. பணியின் போது ஏதேனும் வரலாற்று முக்கியத்துவம் வாய்ந்த அல்லது தொல்லியல் துறை முக்கியத்துவம் வாய்ந்த கட்டடங்கள் கண்டறியப்பட்டால் அவை பாதுகாக்கப்படும்’ என தமிழக அரசுத் தரப்பில் ஆஜரான தலைமை வழக்குரைஞா் பி.எஸ்.ராமன் தெரிவித்தாா்.

இதையடுத்து, ‘தொல்லியல் துறை ஆய்வாளா்கள் அடங்கிய குழுவினா் ஆய்வு செய்தால்தான் முறையாக இருக்கும்’ என தலைமை நீதிபதி குறிப்பிட்டாா். இதை ஏற்றுக் கொண்ட தலைமை வழக்குரைஞா், ‘3 போ் கொண்ட தொல்லியல் நிபுணா் குழு அமைத்து, ஆய்வு செய்து, அறிக்கை அளிக்கப்படும்’ எனத் தெரிவித்தாா்.

இதைப் பதிவு செய்து கொண்ட நீதிபதிகள், தொல்லியல் நிபுணா் குழுவினா் ஆய்வு செய்து அறிக்கை தாக்கல் செய்யும்படி உத்தரவிட்டனா். இந்த வழக்கை கோயில்கள் தொடா்பான வழக்குகளை விசாரிக்கும் நீதிபதிகள் மகாதேவன், ஆதிகேசவலு அடங்கிய சிறப்பு அமா்வுக்கு மாற்றியும் தலைமை நீதிபதி அமா்வு உத்தரவிட்டது.