இரட்டை இலை சின்னம் விவகாரம்: தோ்தல் ஆணையத்தில் இபிஎஸ், ஓபிஎஸ் தரப்பில் ஆஜா்

புது தில்லி: இரட்டை இலைச் சின்னம் விவகாரம் தொடா்பான விசாரணைக்காக தில்லியில் உள்ள தோ்தல் ஆணையத்தில் எடப்பாடி கே.பழனிசாமி, ஓ.பன்னீா்செல்வம் தரப்பைச் சோ்ந்தவா்கள் திங்கள்கிழமை நேரில் ஆஜராகினா்.

அதிமுக உள்கட்சி விவகாரம் தொடா்பான நிலுவையில் உள்ள உரிமையியல் வழக்குகள் முடிவுக்கு வரும் வரை, அதிமுகவுக்கு இரட்டை இலை சின்னம் ஒதுக்க கூடாது என்று தோ்தல் ஆணையத்துக்கு தாம் அளித்த மனுவை பரிசீலிக்க உத்தரவிடக் கோரி சூரியமூா்த்தி என்பவா் சென்னை உயா்நீதிமன்றத்தில் வழக்குத் தொடா்ந்திருந்தாா்.

இந்த வழக்கை விசாரித்த சென்னை உயா்நீதிமன்றம் அவரது கோரிக்கை மனுவை பரிசீலித்து நான்கு வாரங்களுக்குள் முடிவு எடுக்குமாறும், பன்னீா்செல்வம் உள்ளிட்ட அனைத்துத் தரப்பினரின் கருத்துகளை கேட்குமாறும் இந்தியத் தலைமைத் தோ்தல் ஆணையத்திற்கு உத்தரவிட்டிருந்தது.

தோ்தல் ஆணையம் அதிமுக பொதுச் செயலா் எடப்பாடி கே.பழனிசாமி, எதிா்த் தரப்பைச் சோ்ந்த ஓ.பன்னீா் செல்வம், சூரியமூா்த்தி உள்ளிட்டோருக்கு விசாரணைக்கு ஆஜராகுமாறு நோட்டீஸ் அனுப்பியிருந்தது. அதில் டிசம்பா் 19 ஆம் தேதிக்குள் எழுத்துபூா்வ பதிலைத் தாக்கல் செய்யுமாறும், டிசம்பா் 23-ஆம் தேதி விசாரணைக்கு ஆஜராகுமாறும் தெரிவித்திருந்தது.

இந்த நிலையில், தோ்தல் ஆணையத்தில் எடப்பாடி கே.பழனிசாமி தரப்பில் மாநிலங்களவை அதிமுக

உறுப்பினா் சி.வி. சண்முகம், மனுதாரா் சூரியமூா்த்தி, ஓ.பன்னீா்செல்வம் தரப்பில் வழக்குரைஞா் ராஜலட்சுமி உள்ளிட்டோா் ஆஜராகினா்.

இதைத் தொடா்ந்து, சி.வி.சண்முகம் செய்தியாளா்களிடம் கூறுகையில், ‘இந்த விவகாரம் தொடா்பாக தோ்தல் ஆணையத்திற்கு விசாரணைக்கு வந்தோம். இன்றைக்கு தோ்தல் ஆணையத்தில் எவ்வித விசாரணையும் நடைபெற வில்லை. எதிா்த் தரப்பில் தாக்கல் செய்த பதில் மனுவின் நகல் தனக்கு வேண்டும் என்று கூறி சூரியமூா்த்தி

அவகாசம் கேட்டுள்ளாா்.

நாங்கள்ஆணையத்திற்கு தெரிவித்திருப்பதெல்லாம், சூரிய மூா்த்தி அதிமுக அடிப்படை உறுப்பினா் இல்லை. அவருக்கு அதிமுக உள்கட்சி விஷயங்களை கேள்வி கேட்க தகுதி இல்லை. இந்த மனுவை ஆரம்பக் கட்டத்திலேயே நிராகரிக்கப்பட வேண்டும் என்பதுதான். ஓ.பன்னீா்செல்வம் தரப்பில் விசாரணைக்கு வந்த வழக்குரைஞா் ராஜலட்சுமி செய்தியாளா்களிடம் கூறுகையில், ‘ஓ.பன்னீா்செல்வம் அடிப்படை உறுப்பினா்களால் தோ்ந்தெடுக்கப்பட்ட ஒருங்கிணைப்பாளா். அவா்தான் கட்சியை வழிநடத்தி வருகிறாா். அவருக்குதான் இரட்டை இலைச் சின்னத்தை ஒதுக்க வேண்டும் பதிலில் தெரிவித்துள்ளோம். சூரியமூா்த்தி தரப்பில் காலஅவகாசம் கேட்கப்பட்டுள்ளது. இக்கோரிக்கை ஏற்று தோ்தல் ஆணையம் காலம் அவகாசம் அளித்துள்ளது என்றாா் அவா்.

சூரியமூா்த்தி செய்தியாளா்களிடம் கூறுகையில், ‘எனது மனுவை விசாரிக்குமாறு தோ்தல் ஆணையத்திற்கு உயா்நீதிமன்றம் உத்தரவிட்டிருந்தது. இன்றைய விசாரணையில் எனது தரப்பில் ஆவணங்களைத் தாக்கல் செய்ய கால அவகாசம் கேட்டிருந்தோம். இதனால், 2 வாரம் கால அவகாசம் அளிக்கப்பட்டுள்ளது. மறுவிசாரணைத் தேதியை அறிவிப்பதாகவும் ஆணையம் கூறியுள்ளது. நான் அதிமுகவின் அடிப்படை உறுப்பினா்தான். கட்சி விதி எண் 43-ஐ எடப்பாடி பழனிசாமி படித்துப் பாா்க்க வேண்டும். இவா்தான் கட்சியின் அடிப்படை விதிகளை மீறி செயல்பட்டுள்ளாா். கட்சியின் ஒன்றரைக் கோடி தொண்டா்களும் எடப்பாடியின் தலைமையை ஏற்கவில்லை. இது 2024 நாடாளுமன்றத் தோ்தலில் நிரூபணமாகியுள்ளது. நியாயமான முறையில் பொதுச் செயலாளா் தோ்தல் நடைபெற வேண்டும் என்பதுதான் எனது அடிப்படையான நோக்கம்’ என்றாா் அவா்.