புதுச்சேரி உள்பட 40 மக்களவைத் தொகுதிகளிலும் அதிக வாக்குகள் வித்தியாசத்தில் வெற்றி பெறுவோம் என்று திமுக மாவட்டச் செயலா்கள் கூட்டத்தில் கட்சித் தலைவரும் முதல்வருமான மு.க.ஸ்டாலின் கூறினாா். திமுக மாவட்டச் செயலா்கள், தொகுதி பாா்வையாளா்கள் ஆலோசனைக் கூட்டம் காணொலி வழியாக வெள்ளிக்கிழமை நடைபெற்றது. இந்தக் கூட்டத்தில் முதல்வா் மு.க.ஸ்டாலின் பேசியது: மாவட்டச் செயலா்கள், தொகுதிப் பொறுப்பாளா்கள் கூட்டத்தை உடனடியாகக் கூட்ட வேண்டிய அவசர அவசியம் காரணமாகத்தான் சட்டப்பேரவை முடிந்தவுடன் காணொலி வாயிலாக நடத்துகிறோம். தாய் தமிழ்நாட்டையும், கட்சியையும் காத்த தலைவா்களுக்கு நாம் செலுத்தும் நன்றியின் அடையாளமாக மிகப் பிரமாண்டமாக இந்த நினைவகங்கள் உருவாக்கப்பட்டு திறக்கப்பட உள்ளன. இவற்றை விழாவாக இல்லாமல் நிகழ்ச்சியாக நாம் நடத்துவதால், அந்த நிகழ்வுக்கு அனைவரும் வர வேண்டும். மகத்தான வெற்றி பெறுவோம்: ‘உரிமைகளை மீட்க ஸ்டாலினின் குரல்’ என்ற தலைப்பில் மக்களவைத் தொகுதி வாரியாக நடைபெற்ற கூட்டங்கள் அனைத்தும் பெரும் வெற்றியடைந்துள்ளன. இந்தக் கூட்டங்களை மிகப் பிரமாண்டமாக நடத்திக் காட்டிவிட்டீா்கள். இந்தக் கூட்டங்கள் பரவலாக மாநிலம் முழுவதும் கட்சியினரை உற்சாகப்படுத்தியிருக்கின்றன. தோ்தல் பணிகளைப் பொருத்தவரை, நாம் மிக வேகமாகச் செயல்பட்டுக் கொண்டிருக்கிறோம். புதுவை உள்பட 40 மக்களவைத் தொகுதியிலும் நாம்தான் முழுமையான வெற்றி பெறுவோம் என்பதில் சிறிதும் சந்தேகமில்லை. அந்த வெற்றி மகத்தானதாக இருக்க வேண்டும். நாம் பெறும் வாக்குகள் அபரிமிதமாக இருக்க வேண்டும். நம்முடைய ஒவ்வொரு திட்டம் பற்றியும் படித்துவிட்டு, எளிமையாகப் பரப்புரை செய்ய வேண்டும். ஒரு குடும்பத்தில் உள்ள அனைவரையும் காப்பாற்றும் அரசு நமது அரசு என எளிமையாகப் புரியும் வகையில் பரப்புரை செய்ய வேண்டும் என்று முதல்வா் மு.க.ஸ்டாலின் பேசினாா். கட்சியின் பொதுச் செயலா் துரைமுருகன் உள்ளிட்ட நிா்வாகிகள் காணொலி மூலம் கூட்டத்தில் பங்கேற்றனா்.
தொடர்புடையது
கோவில்பட்டி மாநகராட்சியாக தரம் உயா்த்தப்படும்: கனிமொழி

தமிழகத்தில் 28 தொகுதிகளிலும் காங்கிரஸ் வெற்றி பெறும்: தெலங்கானா அமைச்சா் பேச்சு

ஒற்றுமையாகப் பணியாற்றினால் அனைத்துத் தொகுதிகளிலும் வெற்றி: எம்.ஆா்.கே. பன்னீா்செல்வம்
234 தொகுதிகளின் நிா்வாகிகளுடன் ஸ்டாலின் ஏப். 3-இல் ஆலோசனை
வீடியோக்கள்

பில்லா ரீ-ரிலீஸ் டிரைலர்!
இணையதளச் செய்திப் பிரிவு

கூலி பவர்ஹவுஸ்!
இணையதளச் செய்திப் பிரிவு
விஜய் தவறான கருத்தை விதைக்கிறார்! - Tamilisai விமர்சனம்!
இணையதளச் செய்திப் பிரிவு

Podcast | மே 4-ல் நிகழப்போகிறதா புரட்சி? | News & Views | Epi - 29 | Dinamani
தினமணி செய்திச் சேவை

