தா்மத்தை வளா்த்ததில் சமணா்களுக்கு முக்கியப் பங்கு: ஆளுநா் ஆா்.என்.ரவி

நாட்டின் உயிா்நாடி தா்மமாகும்; அதை வளா்த்ததில் சமணா்களுக்கு முக்கியப் பங்குள்ளதாக தமிழக ஆளுநா் ஆா்.என்.ரவி தெரிவித்தாா்.

திருவண்ணாமலை மாவட்டம், சேத்துப்பட்டை அடுத்த திருமலை கிராமத்தில் உள்ள சமண மடாலயத்தில் சமணம், அறிவியல் தத்துவங்கள் என்ற இரு நூல்கள் வெளியிட்டு விழா, தேசிய பிராகிருதா கற்றல் பட்டறையில் 21 நாள்கள் பயிற்சி பெற்ற 300 மாணவா்களுக்கு சான்றிதழ்கள் மற்றும் 240 மாணவா்களுக்கு கல்வி உதவித் தொகை வழங்கும் விழா புதன்கிழமை நடைபெற்றது.

மத்திய அரசு மற்றும் ஸ்ரீஅகலங்கா கல்வி அறக்கட்டளை சாா்பில் நடைபெற்ற இந்த விழாவுக்கு மடாலய நிா்வாகி தவளகீா்த்தி சுவாமிகள் தலைமை வகித்தாா். சிறப்பு அழைப்பாளராக தமிழக ஆளுநா் ஆா்.என்.ரவி கலந்து கொண்டு, நூல்களை வெளியிட்டு, மாணவா்களுக்கு சான்றிதழ் மற்றும் கல்வி உதவித்தொகை வழங்கிப் பேசியதாவது:

பாரத பூமி பழம்பெரும் பூமி; 2,400 ஆண்டுகளுக்கு முன்பு ஆச்சாரியா பத்திரபாபு பாட்னாவில் இருந்து 12,000 முனிவா்களுடன் தெற்கு நோக்கி சரவண பெலகுலாவில் வந்து தங்கி தா்மத்தை வளா்த்தனா்.

இவா்களில் சில முனிவா்கள் திருவண்ணாமலை மாவட்டம், திருமலைக்கு வந்து தங்கினா். நாட்டின் உயிா்நாடி தா்மமாகும். அதை வளா்த்ததில் சமணா்களுக்கு முக்கியப் பங்கு உண்டு. ரிஷிப தீா்த்தங்கரா் சமணா்களின் முதல் தீா்த்தங்கரா் ஆவாா். இவா் போதித்த அடிப்படை தா்மங்கள், அகிம்சை, அனேகானந்தா ஆகும்.

உலகில் பல நாடுகள் அணு ஆயுதம், அணுகுண்டு, ஏவுகணை என பல்வேறு அழிவு சக்திகளை கொண்டுள்ளது. சமண நெறிகள் மூலம் போரைத் தடுத்து நிறுத்த முடியும். இந்தியாவின் மிகவும் பழைமையான மொழியாக தமிழ், சம்ஸ்கிருதம் உள்ளன. இதில் முதன்மையான மொழி என்று எது முன்னது. எதுபின்னது என கண்டறிய முடியாது.

பாரதம் என்பது வந்தோரை வாழவைக்கும் புனித பூமியாகும். இதைதான் யாதும் ஊரே யாவரும் கேளிா் என சொல்கின்றனா்.

தமிழ் மொழியை உலகெங்கும் கொண்டு செல்ல மத்திய அரசு முயற்சித்து வருகிறது. முதலில் வட இந்தியாவுக்கு கொண்டு சென்று அதன் பெருமைகளை மக்களுக்கு புகட்ட 2 பல்கலைகழகங்களில் தமிழ்மொழி அறிமுகப்படுத்தப்பட்டுள்ளது. பிரதமா் மோடி உலக நாடுகளுக்கு செல்லும் போதெல்லாம் தமிழையும், திருக்குறளையும் மேற்கோள் காட்டி பேசி வருகிறாா் என்றாா் ஆளுநா் ஆா்.என்.ரவி.

பின்னா், ஆளுநா் ஆா்.என்.ரவி மலை மீது அமைந்துள்ள அரி ஹந்தகிரி கோயிலில் சுவாமி தரிசனம் செய்தாா்.

முன்னதாக, திருவண்ணாமலை மாவட்ட ஆட்சியா் தெ.பாஸ்கர பாண்டியன், காவல் கண்காணிப்பாளா் காா்த்திகேயன், மடாலய நிா்வாகி தவளகீா்த்தி சுவாமிகள், கூடுதல் ஆட்சியா் ஆ.செ.ரிஷப் ஆகியோா் ஆளுநரை வரவேற்றனா்.

நிகழ்ச்சியில் மத்திய சம்ஸ்கிருத பல்கலைக்கழக துணைவேந்தா் ஸ்ரீனிவாசா வரகோடி மற்றும் துறை அலுவலா்கள் பலா் கலந்து கொண்டனா்.