நாகையில் இந்திய கம்யூ., வை.செல்வராஜ் வெற்றி!

நாகை மக்களவைத் தேர்தல் 2.08 லட்சம் வாக்கு வித்தியாசத்தில் சிபிஐ வேட்பாளர் வை.செல்வராஜ் வெற்றி

நாகை மக்களவை தொகுதி வாக்கு எண்ணிக்கை 23 சுற்றுகள் நடைபெற்றன. இதில் திமுக கூட்டணியில் அங்கம் வகிக்கும் இந்திய கம்யூனிஸ்ட் வேட்பாளர் வை.செல்வராஜ், 2,08,957 வாக்குகள் வித்தியாசத்தில் வெற்றி பெற்றார்.

அவர் வெற்றி பெற்றதற்கான சான்றிதழை மாவட்ட தேர்தல் நடத்தும் அலுவலர் ஜானி டாம் வர்கீஸ், பொது தேர்தல் பார்வையாளர் பி.பாரதி லக்பதி நாயக் ஆகியோர் வழங்கினர்.

திமுக மாவட்டச் செயலர்கள் பூண்டி கே.கலைவாணன் (திருவாரூர்), என்.கௌதமன் (நாகை), கீழ்வேளூர் சட்டப்பேரவை உறுப்பினர் நாகை வி.மாலி உள்ளிட்ட பலர் உடனிருந்தனர்.

நாகை மக்களவை தொகுதி வாக்குகள் விவரம்

மொத்த வாக்காளர்கள் :13,45,120

பதிவான வாக்குகள்: 9,68,049

பதிவான தபால் வாக்குகள்: 5,724

செல்லாத தபால் வாக்குகள்: 762

வேட்பாளர்கள் பெற்ற வாக்குகள் விவரம்

1. செல்வராஜ் (இந்திய கம்யூ.) - 4,65,044

2. சுர்ஜித் சங்கர் (அதிமுக) } 2,56,087

3. கார்த்திகா (நாம் தமிழர்) - 1,31,294

4. ரமேஷ்கோவிந்த் (பாஜக) - 1,02,173

5. நோட்டா -8,918்