நாடாளுமன்ற திமுக தலைவராக கனிமொழி!

நாடாளுமன்ற திமுக குழு தலைவராக அக்கட்சியின் துணை பொதுச்செயலாளர் கனிமொழி நியமிக்கப்பட்டுள்ளார்.

இதன்மூலம் மக்களவை - மாநிலங்களவை ஆகிய இரு அவைகளுக்கும் சேர்த்து திமுக நாடாளுமன்ற குழு தலைவராக கனிமொழி செயல்படவுள்ளார்.

இது தொடர்பாக திமுக தலைவர் மு.க. ஸ்டாலின் வெளியிட்டுள்ள அறிக்கையில் தெரிவிக்கப்பட்டுள்ளதாவது,

மக்களவைக் குழு தலைவராக, பொருளாளர் டி.ஆர். பாலு நியமிக்கப்பட்டுள்ளார்.

மக்களவைக் குழு துணைத் தலைவராக விளையாட்டு மேம்பாட்டு அணி செயலாளர் தயாநிதி மாறன் நியமனம்.

மக்களவை கொறடாவாக துணை பொதுச்செயலாளர் ஆ.ராசா நியமனம்.

மாநிலங்களவைக் குழு தலைவராக கொள்கை பரப்புச் செயலாளர் திருச்சி சிவா,

மாநிலங்களவைக் குழு துணைத்தலைவராக தொ.மு.ச. பேரவை பொதுச்செயலாளர் மு.சண்முகம்,

மாநிலங்களவை கொறடாவாக சட்டத் தலைமை ஆலோசகர் பி.வில்சன்,

இரு அவைகளின் பொருளாளராக கொள்கை பரப்புச் செயலாளர் எஸ்.ஜெகத்ரட்சகன் ஆகியோர் நியமிக்கப்பட்டுள்ளனர்.