அரசுப் பள்ளிகளில் மாணவா் சோ்க்கை தொடக்கம்

தமிழக அரசுப் பள்ளிகளில் 2024-2025-ஆம் கல்வியாண்டுக்கான மாணவா் சோ்க்கையை பள்ளிக் கல்வித் துறை அமைச்சா் அன்பில் மகேஸ் சென்னையில் உள்ள அரசுப் பள்ளியில் வெள்ளிக்கிழமை தொடங்கிவைத்தாா். தமிழகத்தில் கரோனா நோய்த் தொற்று காலத்துக்கு பிறகு அரசுப் பள்ளிகளில் மாணவா் சோ்க்கை அதிகரித்து வருகிறது. அதற்கேற்றவாறு புதிய வகுப்பறைகள் கட்டப்பட்டு, தேவையான ஆசிரியா் பணியிடங்கள் அவ்வப்போது நிரப்பப்பட்டு வருகின்றன. இந்தநிலையில் தமிழக அரசுப் பள்ளிகளில் 2024-2025-ஆம் கல்வியாண்டுக்கான மாணவா் சோ்க்கையை பள்ளிக் கல்வித் துறை வெள்ளிக்கிழமை தொடங்கியுள்ளது. அதன்படி சென்னை திருவல்லிக்கேணியில் உள்ள அரசு நடுநிலைப் பள்ளியில் மாணவா் சோ்க்கையை அமைச்சா் அன்பில் மகேஸ் பொய்யாமொழி தொடங்கி வைத்தாா். அப்போது மாணவா் சோ்க்கைக்காக வந்திருந்த மாணவ, மாணவிகளுக்கு மாலை அணிவித்து வரவேற்றாா். மேலும் மாணவா்களின் பெற்றோருக்கு மாணவா் சோ்க்கைக்கான விண்ணப்பப் படிவத்தையும் வழங்கினாா். இதனைத் தொடா்ந்து தமிழகம் முழுவதும் அரசு பள்ளிகளில் மாணவா் சோ்க்கை நடைபெற்றது. வழக்கத்தைவிட இந்த முறை ஒரு மாதத்துக்கு முன்னதாகவே மாணவா் சோ்க்கை தொடங்கியிருப்பது குறிப்பிடத்தக்கது. அரசுப் பள்ளிகளில் மாணவா் சோ்க்கையை ஊக்கப்படுத்தும் வகையில், ஆசிரியா்கள் அரசு பள்ளிகளில் மாணவா்களை சோ்ப்பதால் என்னென்ன நலத்திட்டங்கள் கிடைக்கும்? கல்வி சாா்ந்த என்னென்ன பயன்கள் கிடைக்கும்? என்பது போன்ற விவரங்கள் அடங்கிய துண்டு பிரசுரங்களை பொதுமக்களுக்கு விநியோகித்து விழிப்புணா்வு மேற்கொள்ள பள்ளிக்கல்வித் துறை அறிவுறுத்தியிருந்தது. அதன்படி பள்ளிக்கல்வித் துறை அமைச்சா் அன்பில் மகேஸ் பொய்யாமொழி, அரசுப் பள்ளிகளில் சேருவதால் மாணவ, மாணவிகளுக்கு கிடைக்கும் நலத்திட்டங்கள் குறித்த விவரங்கள் அடங்கிய துண்டு பிரசுரத்தை திருவல்லிக்கேணி சாலையில் நடந்து சென்ற மக்களிடமும், பேருந்து உள்ளிட்ட வாகனங்களில் சென்றவா்களிடமும் வழங்கி விழிப்புணா்வை ஏற்படுத்தினாா்.