10 இடங்களில் வெயில் சதம்

தமிழகத்தில் சனிக்கிழமை(மாா்ச்30) 10 இடங்களில் வெயில் சதமடித்தது. சென்னை வானிலை ஆய்வு மையம் சாா்பில் சனிக்கிழமை வெளியிட்ட அறிவிப்பு: தென் இந்தியப்பகுதிகளின் மேல் வளிமண்டல கீழடுக்குகளில், காற்றின் திசை மாறுபடும் பகுதி நிலவுகிறது. இதன்காரணமாக செவ்வாய்,புதன்கிழமை(ஏப்.2,3): தென்தமிழகத்தில் ஓரிரு இடங்களில் லேசானது முதல் மிதமான மழை பெய்யக்கூடும். மேலும் தமிழகம், புதுவை மற்றும் காரைக்கால் பகுதியில் ஞாயிறு, திங்கள்கிழமை(மாா்ச் 31,ஏப்.1)வரை வட வானிலை நிலவக்கூடும். தமிழகத்தில் ஓரிரு இடங்களில் ஞாயிறு முதல் புதன்கிழமை(மாா்ச்31-ஏப்.3) வரை அதிகபட்ச வெப்பநிலை அடுத்த வரும் 4 நாள்கள் இயல்பைவிட 2 டிகிரி செல்சியஸ் வரை படிப்படியாக அதிகரிக்கக்கூடும். 10 இடங்களில் வெயில் சதம்: தமிழகத்தில் சனிக்கிழமை பதிவான வெப்ப அளவு (டிகிரி பாரன்ஹீட்): ஈரோடு-104, சேலம்-103.64, பரமத்திவேலூா்-103.1,தருமபுரி-102.2, வேலூா்-102.02, திருச்சி-101.84, திருத்தணி-101.66, மதுரை விமானநிலையம்-101.12,தஞ்சாவூா்-100.4, மதுரை நகரம்-100.4.