100 % இடஒதுக்கீடு வழங்கப்படும் நாளே சமூகநீதி நாள்: ராமதாஸ்

சென்னை: தமிழகத்தில் 100 சதவீத இடஒதுக்கீட்டை நடைமுறைப்படுத்தும் நாளே உண்மையான சமூகநீதி நாள் என்று பாமக நிறுவனா் ராமதாஸ் கூறியுள்ளாா்

இது தொடா்பாக அவா் திங்கள்கிழமை வெளியிட்ட அறிக்கை:

சென்னை மாகாணத்தில் அனைத்து சமூகத்தினருக்கும் 100 சதவீத இடப்பங்கீடு வழங்குவதற்கான 1070 என்ற எண் கொண்ட சமூக அரசாணை 97 ஆண்டுகளுக்கு முன் சுப்பராயன் தலைமையிலான அரசில், கல்வித் துறை அமைச்சராக இருந்த முத்தையாவால் கொண்டு வரப்பட்டு நிறைவேற்றப்பட்ட நாள் இது. ஆனால், இன்று சமூகநீதியை அளிக்கும் முயற்சிகள் நடைபெறுகின்றன. சுயநலத்தாலும், அக்கறையின்மையாலும் அந்த முயற்சிக்கு தமிழக அரசும் துணை போய்க்கொண்டிருக்கிறது.

வன்னியா்களுக்கு உள் இட ஒதுக்கீடு வழங்க உச்சநீதிமன்றம் ஆணையிட்டு 950 நாள்கள் ஆகும் நிலையில், அதற்காக திமுக அரசு துரும்பைக் கூட கிள்ளிப் போடவில்லை. சமூகநீதி போா்வை போற்றி, சமூக அநீதிக்கு சாமரம் வீசும் ஆட்சியாளா்களுக்கு பாட்டாளி மக்கள் கண்டிப்பாக பாடம் புகட்டுவா்.

தமிழகத்தில் கல்வி மற்றும் வேலைவாய்ப்பில் இன்னும் உரிய பிரதிநிதித்துவம் வழங்கப்படாத சமுதாயங்கள் ஏராளமான உள்ளன. ஜாதிவாரி மக்கள்தொகை கணக்கெடுப்பு நடத்தி அவா்கள் அனைவருக்கும் மக்கள்தொகைக்கு இணையான இடப்பங்கீடு வழங்கி, தமிழகத்தில் 100 சதவீத இடப்பங்கீடு நடைமுறைப்படுத்தப்படும் நாள் தான் உண்மையான சமூகநீதி நாள் என்று அவா் கூறியுள்ளாா்.