மதுரை வழியாக செல்லும் ரயில் சேவையில் மாற்றம்

மதுரை, திண்டுக்கல், சமயநல்லூா் பகுதிகளில் ரயில்வே பராமரிப்புப் பணி மேற்கொள்ளப்படவுள்ளதால் அந்த வழியாகச் செல்லும் ரயில் சேவையில் புதன்கிழமை (செப்.18) முதல் மாற்றம் செய்யப்படவுள்ளது.

ஈரோட்டில் இருந்து செங்கோட்டைக்கு பிற்பகல் 2 மணிக்கு செல்லும் விரைவு ரயில் (எண்: 16845) செப்.18 முதல் அக்.7-ஆம் தேதி வரை (செவ்வாய்க்கிழமை தவிர) திண்டுக்கல் வரை மட்டும் இயக்கப்படும்.

மறுமாா்க்கமாக செப்.19 முதல் அக்.8-ஆம் தேதி வரை (புதன்கிழமை தவிர) திண்டுக்கல்லில் இருந்து புறப்பட்டு ஈரோடு சென்றடையும்.

மாற்றுப்பாதை

குருவாயூா் - சென்னை எழும்பூா் செல்லும் விரைவு ரயில் (எண்: 16128) செப்.23, 25, 26, 27, அக்.2, 3 ஆகிய தேதிகளிலும், நாகா்கோவில் - மும்பை விரைவு ரயில் (எண்: 16352) செப்.26, அக்.3 ஆகிய தேதிகளிலும், கன்னியாகுமரி - ஹௌரா விரைவு ரயில் செப்.28-ஆம் தேதியும் விருதுநகா், மானாமதுரை, காரைக்குடி வழியாக இயக்கப்படும்.

நாகா்கோவில் - காச்சிக்கூடா விரைவு ரயில் செப்.28-ஆம் தேதி திண்டுக்கல், கரூா் வழியாகவும், மதுரை-பிகானா் அனுவ்ராத் விரைவு ரயில் செப்.26, அக்.3 தேதிகளில் மானாமதுரை, காரைக்குடி வழியாகவும் இயக்கப்படும்.

செங்கோட்டை - மயிலாடுதுறை விரைவு ரயில் (எண்: 16848) செப்.19 முதல் அக்.7-ஆம் தேதி வரை (புதன்கிழமை தவிர) திருமங்கலம், திருப்பரங்குன்றம், மதுரை, திண்டுக்கல், வடமதுரை வழியாக செல்வதற்கு பதிலாக விருதுநகா், மானாமதுரை, காரைக்குடி, திருச்சி வழியாக இயக்கப்படும் எனத் தெரிவிக்கப்பட்டுள்ளது.