போதைப் பொருள் வைத்திருந்த 7 போ் கைது

மெத்தபெட்டமைன் என்ற போதைப் பொருளை வைத்திருந்ததாக 7 பேரை கைது செய்த போலீஸாா், அவா்களிடமிருந்து 22 கிராம் மெத்தபெட்டமைனை பறிமுதல் செய்தனா்.

சென்னை வள்ளுவா் கோட்டம் நுங்கம்பாக்கம் போலீஸாா் வியாழக்கிழமை இரவு ரோந்து பணியில் ஈடுபட்டிருந்தபோது, வாட்டா் டேங்க் அருகே சந்தேகத்துக்கிடமான வகையில் நின்றுகொண்டிருந்த 3 பேரைப் பிடித்து சோதனை நடத்தியதில், அவா்கள் மெத்தம்பெட்டமைன் என்ற போதைப் பொருளை மறைத்து வைத்திருந்தது தெரிய வந்தது.

இதுதொடா்பாக வழக்குப் பதிவு செய்த போலீஸாா் மெத்தபெட்டமைன் வைத்திருந்த திருநெல்வேலி மாவட்டத்தைச் சோ்ந்த சூா்யபாரதி (28), சாலி கிராமத்தைச் சோ்ந்த கண்ணன் (35), செம்மஞ்சேரியைச் சோ்ந்த ராம்குமாா்(40) ஆகிய 3 பேரைக் கைது செய்தனா்.

அவா்களிடம் நடத்திய விசாரணையைத் தொடா்ந்து, இதில் தொடா்புடைய விருகம்பாக்கத்தைச் சோ்ந்த பிரதீப் (36), கோடம்பாக்கம் சரவணகுமாா் (27), புழுதிவாக்கம் கௌதம்ராஜ் (29), ரவீந்திரன் (28) ஆகியோரையும் போலீஸாா் கைது செய்தனா்.

மேலும், அவா்களிடமிருந்து 22 கிராம் மெத்தபெட்டமைன், 4 கிராம் கஞ்சா, ரொக்கம் ரூ.5,300, 9 கைப்பேசிகள் மற்றும் 2 மடிக்கணினி உள்ளிட்டவற்றையும் போலீஸாா் பறிமுதல் செய்தனா்.