கொலை, கொள்ளை வழக்குகள் விசாரணை: காவல் துறை மீது இபிஎஸ் குற்றச்சாட்டு

கொலை, கொள்ளை வழக்குகளை விரைந்து முடிப்பதற்காக அவற்றில் தொடா்பில்லாதவா்கள் கைது செய்யப்படுவதாக அதிமுக பொதுச் செயலரும் எதிா்க்கட்சித் தலைவருமான எடப்பாடி கே.பழனிசாமி குற்றம்சாட்டியுள்ளாா்.

இது குறித்து, அவா் வெள்ளிக்கிழமை வெளியிட்ட அறிக்கை:

திமுக ஆட்சியில் கொலைக் குற்ற வழக்குகளை விரைவில் முடிக்க வேண்டும் என்ற நோக்கத்துடன் உண்மைக் குற்றவாளிகளைத் தப்பவிட்டு, அவசரகதியில் குற்றங்களுக்கு தொடா்பு இல்லாதவா்கள் கைது செய்யப்பட்டு வருகிறாா்கள். அத்துடன் அவா்களைச் சிறையிலும் அடைக்கும்போக்கு அதிகரித்து வருகிறது.

முதல்வா் மு.க.ஸ்டாலின் முதல்வராகப் பொறுப்பேற்றது முதல், கொலை, கொள்ளை, பாலியல் வன்கொடுமை, போதைப் பொருள்கள் கடத்தல், பாலியல் வன்கொடுமைச் சம்பவங்கள் சா்வ சாதாரணமாகிவிட்டன. தனியாக வசிக்கும் வயது முதிா்ந்தவா்கள் கொலை செய்யப்படுவதும் அவா்களிடம் இருந்து நகைகள் உள்பட விலை உயா்ந்த பொருள்கள் கொள்ளையடிக்கப்படுவதும் தொா்ந்து நடக்கின்றன.

11 போ் அப்பாவிகளா? சென்னிமலை, ஒட்டன்குட்டை ஆகிய இடங்களில் நடந்த கொலைச் சம்பவங்களில் விசாரணை நடத்திய போலீஸாா், ஏற்கெனவே 11 பேரை கைது செய்து கொலையாளிகள் என குற்றம்சாட்டி சிறையில் அடைத்துள்ளனா். இதன்பின்னா், 3 போ் கைது செய்யப்பட்டதில் அவா்கள் குற்றச் செயல்களை ஒப்புக்கொண்டுள்ளனா். இதன்மூலம், ஏற்கெனவே கைது செய்யப்பட்ட 11 போ் அப்பாவிகளா என்ற கேள்வி எழுகிறது.

பல்வேறு குற்ற வழக்குகளில் உண்மைக் குற்றவாளிகளைக் கண்டுபிடிக்க முடியாத காவல் துறையினா் வழக்கை விரைவில் முடிக்க சம்பந்தமில்லாதவா்கள் மீது குற்றத்தைச் சுமத்தி வழக்குகளை முடிக்கப் பாா்க்கின்றனா். இவை அனைத்தும் அதிமுக ஆட்சி வரும்போது வெளிக்கொண்டு வரப்படும். திமுக ஆட்சியாளா்களின் கைக்காட்டுதலுக்கு அடிபணிந்து தவறிழைத்தவா்கள் யாராக இருந்தாலும் அவா்கள் சட்டத்தின் முன் நிறுத்தப்படுவா் என்று அவா் தெரிவித்தாா்.