வெற்றி வாய்ப்பு யாருக்கு? மதுரையில் மு.க. ஸ்டாலின் பதில்!

சட்டப்பேரவைத் தேர்தல் முடிவடைந்த நிலையில் ஓய்வெடுப்பதற்காக முதல்வர் மு.க. ஸ்டாலின் கொடைக்கானல் செல்கிறார்.

இதற்காக சென்னை விமான நிலையத்தில் இருந்து தனி விமானம் மூலம் குடும்பத்துடன் மதுரை வந்தார் முதல்வர் ஸ்டாலின்.

அப்போது மதுரை விமான நிலையத்தில் முதல்வர் ஸ்டாலினிடம் செய்தியாளர்கள், 'வெற்றி வாய்ப்பு எப்படி உள்ளது?' என்று கேள்வி எழுப்பினர்.

அதற்கு முதல்வர் ஸ்டாலின், 'வெற்றி வாய்ப்பு எங்களுக்குத்தான்' என்பதுபோல தம்ப்ஸ் அப் காட்டிச் சென்றார்.

மதுரை விமான நிலையத்தில் இருந்து சாலை மார்க்கமாக கொடைக்கானல் செல்லும் முதல்வர் ஸ்டாலின், அங்கு 3 முதல் 4 நாள்களுக்கு ஓய்வெடுக்கத் திட்டமிட்டுள்ளதாகத் தகவல்கள் தெரிவிக்கின்றன.