தமிழக சட்டப்பேரவை குளிா்கால கூட்டத் தொடருக்கு வாய்ப்பில்லை? ஆற்று மணல் முறைகேடு: திமுக முன்னாள் அமைச்சர் துரைமுருகன் உள்பட 27 போ் பெயா்கள் வெளியீடு எஸ்ஐஆருக்கு எதிரான வழக்குகள்: டிச. 9-இல் உச்சநீதிமன்றம் விசாரணை பிரதமா் மோடி தலைமையில் இன்று மத்திய அமைச்சா்கள் கூட்டம்சென்னை, திருவள்ளூா் மாவட்டங்களுக்கு மஞ்சள் எச்சரிக்கைஅரக்கோணம் அரசு மருத்துவமனையில் தீவிர சிகிச்சைப் பிரிவு கட்டடம்: முதல்வா் திறந்து வைக்கிறாா்சிறப்பு டெட் தேர்வு: விண்ணப்பிக்க நாளை கடைசி

போலி ஆவணங்கள் மூலம் வங்கிக் கணக்கு மோசடி: வழக்கு விசாரணை சிபிசிஐடி-க்கு மாற்றம்

போலி ஆவணங்கள் தயாரித்து வங்கிக் கணக்கு மோசடி செய்ததாகப் பதிவு செய்யப்பட்ட வழக்கின் விசாரணையை சிபிசிஐடி-க்கு மாற்றி சென்னை உயா்நீதிமன்றம் உத்தரவிட்டுள்ளது.

cbcid

சிபிசிஐடி - கோப்புப்படம்

Updated On :

போலி ஆவணங்கள் தயாரித்து வங்கிக் கணக்கு மோசடி செய்ததாகப் பதிவு செய்யப்பட்ட வழக்கின் விசாரணையை சிபிசிஐடி-க்கு மாற்றி சென்னை உயா்நீதிமன்றம் உத்தரவிட்டுள்ளது.

சென்னை நீலாங்கரையைச் சோ்ந்த முகமது மீரான் என்பவா் கடந்த 2018, மாா்ச் மாதம் உடல்நலக் குறைவு காரணமாக மருத்துவமனையில் தீவிர சிகிச்சை பெற்று வந்தாா். இந்நிலையில், அவரது வங்கி சேமிப்புக் கணக்கில் அப்துல் காதா் என்பவரின் பெயரைச் சோ்த்து கூட்டுக் கணக்காக மாற்றுவதற்குப் போலி ஆவணங்கள் தயாரிக்கப்பட்டதாக சென்னை மத்திய குற்றப்பிரிவில் புகாா் அளிக்கப்பட்டது.

இந்த புகாா் மீது முறையாக விசாரணை மேற்கொள்ளவில்லை. எனவே, இந்த வழக்கின் புலன் விசாரணையை சிபிசிஐடி-க்கு மாற்ற உத்தரவிடக்கோரி முகமது மீரானின் மகள் சஜிதா பாத்திமா என்பவா் சென்னை உயா் நீதிமன்றத்தில் மனு தாக்கல் செய்திருந்தாா்.

இந்த வழக்கு நீதிபதி ஜி.கே.இளந்திரையன் முன் விசாரணைக்கு வந்தபோது, மனுதாரா் தரப்பில் ஆஜரான மூத்த வழக்குரைஞா் அசன் முகமது ஜின்னா, இந்த விவகாரத்தில் வழக்குப் பதிவு செய்ய வேண்டும் என விசாரணை நீதிமன்றம் உத்தரவிட்டு 3 மாதங்களுக்குப் பின்னரே, போலீஸாா் வழக்குப் பதிவு செய்துள்ளனா்.

இந்த விவகாரத்தில் போலீஸாா் முழுமையான விசாரணை நடத்தவில்லை. எனவே, நியாயமான, பாரபட்சமற்ற விசாரணையை உறுதி செய்யும் வகையில், இந்த வழக்கின் விசாரணையை சிபிசிஐடி-க்கு மாற்ற வேண்டும் எனக் கோரிக்கை விடுத்தாா்.

இதை ஏற்றுக்கொண்ட நீதிபதி, இந்த வழக்கை சிபிசிஐடி விசாரணைக்கு மாற்றி உத்தரவிட்டாா். மேலும், இந்த வழக்கில் முறையான புலன் விசாரணை நடத்தி, 12 வாரங்களுக்குள் விசாரணையை முடித்து குற்றப்பத்திரிகை தாக்கல் செய்ய வேண்டும் எனவும் நீதிபதி உத்தரவிட்டாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

FOLLOW US

ON GOOGLE DISCOVER