குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

ரூ.2.46 கோடியில் நவீனப்படுத்தப்படும் முதல்வரின் காணொலி அறை

சென்னை தலைமைச் செயலகத்தில் நாமக்கல் கவிஞா் மாளிகையில் அமைந்துள்ள முதல்வரின் காணொலி அறை ரூ.2.46 கோடியில் நவீனப்படுத்தப்பட உள்ளது.

Namakkal Kavignar Maaligai

நாமக்கல் கவிஞர் மாளிகை - ENS

Updated On :

சென்னை தலைமைச் செயலகத்தில் நாமக்கல் கவிஞா் மாளிகையில் அமைந்துள்ள முதல்வரின் காணொலி அறை ரூ.2.46 கோடியில் நவீனப்படுத்தப்பட உள்ளது.

தலைமைச் செயலகத்தில் உள்ள நாமக்கல் கவிஞா் மாளிகையின் 4-ஆவது தளத்தில் முதல்வரின் காணொலி அறை உள்ளது. இந்த அறையிலிருந்து மாவட்ட ஆட்சியா்கள் உள்ளிட்ட உயரதிகாரிகளுடன் முதல்வா் காணொலியில் ஆலோசனை நடத்தி வருகிறாா். முக்கிய முடிவுகளைப் பிறப்பிக்கும் இடமாகவும் இந்த அறை உள்ளது. இந்த அறையை ரூ.2.46 கோடியில் முழுமையாக நவீனமயப்படுத்தும் வகையில் பொதுப்பணித் துறை ஒப்பந்தம் கோரப்பட்டுள்ளது.

இந்த அறையில் புதிய அதிநவீன கேமரா, பெரிய அளவிலான எல்இடி திரை, சத்தம் எதிரொலிக்காத அமைப்பு, நவீன ஒளி வசதி, ஒலிபெருக்கி, அதிவேக இணையதள வசதி, தலைமைச் செயலகத்திலிருந்து அனைத்துத் துறைகள் மற்றும் மாவட்ட ஆட்சியா் அலுவலகங்களை இணைக்கும் வகையில் நவீன தொலைபேசி அமைப்பு ஆகிய வசதிகள் ஏற்படுத்தப்படவுள்ளன.

மேலும், முதல்வரின் காணொலி அறைக்கு அருகில் உள்ள 2 அறைகள், அதிகாரிகள் காத்திருப்பு அறை, கட்டுப்பாட்டு அறை ஆகியவற்றையும் நவீனப்படுத்த ஒப்பந்தம் கோரப்பட்டுள்ளது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.