தோல்விக்குப் பிறகும் மு.க.ஸ்டாலின் உண்மையை உணரவில்லை: ஆதவ் அா்ஜுனா

தோ்தல் தோல்விக்குப் பிறகும் திமுக தலைவா் மு.க.ஸ்டாலின் உண்மையை உணராமல் ‘என் திட்டம்... என் திட்டம்...’ என சமூக ஊடங்களில் விளம்பர அரசியல் செய்கிறாா் என்று பொதுப்பணித் துறை அமைச்சா் ஆதவ் அா்ஜுனா கூறியுள்ளாா்.

இது குறித்து அவா் வெள்ளிக்கிழமை வெளியிட்ட அறிக்கை:

கொங்கு மண்டல மக்களின் பல்லாண்டு கால கனவாக இருந்த அத்திக்கடவு - அவிநாசி குடிநீா் திட்டம், ராமநாதபுரம், விருதுநகா், திண்டுக்கல், நாமக்கல், திருப்பூா், நீலகிரி, திருவள்ளூா், கிருஷ்ணகிரி, நாகை, அரியலூா், கள்ளக்குறிச்சி ஆகிய 11 நகரங்களில் அமைந்த அரசு மருத்துவக் கல்லூரிகள், திருச்சி சாலை மேம்பாலம், உக்கடம் - ஆத்துப்பாலம் மேம்பாலம், கவுண்டம்பாளையம் மேம்பாலங்கள் எல்லாம் அதிமுக ஆட்சியில் திட்டமிடப்பட்டு பணிகள் தொடங்கப்பட்டவை. அவற்றுக்கான திறப்பு விழாக்களை எல்லாம் திமுக ஆட்சியில் மு.க.ஸ்டாலின் செய்தாா்.

ஆட்சி மாற்றம் ஏற்படும்போது, முந்தைய அரசின் திட்டங்களை மக்கள் நலன் கருதி, புதிய அரசும் தொடா்வது வாடிக்கைதான். அந்த அடிப்படையில்தான் கோவை காந்திபுரத்தில் கட்டப்பட்ட ‘பெரியாா் அறிவுலகம்’ நூலகத்தை முதல்வா் ஜோசப் விஜய் திறந்துவைத்தாா்.

ஆனால், ஜனநாயக நாட்டில் மக்களால் தோ்ந்தெடுக்கப்படும் அரசுகள் எப்படி செயல்படுகின்றன என்ற அடிப்படைப் புரிதல் இல்லாதவரைப்போல முன்னாள் முதல்வா் மு.க.ஸ்டாலின், தவெக அரசு செயல்படுத்தும் திட்டங்களை தானே சிந்தித்து, தான் ஒருவரே வடிவமைத்து, கட்டமைத்துச் செயல்படுத்தியதைப்போல ‘காலையில் ஒரு அறிக்கை; மாலையில் ஒரு அறிக்கை’ என்று காழ்ப்புணா்வில் வெளியிட்டு, தன் ஆற்றாமையை வெளிப்படுத்திக் கொண்டு வருகிறாா்; பொறாமையில் துடித்துக் கொண்டிருக்கிறாா்.

இத்தனை திட்டங்களை நீங்களே கொண்டு வந்தீா்கள் என்று மக்கள் உணா்ந்திருந்தால் உங்களை மீண்டும் தோ்ந்தெடுத்திருப்பாா்களே? பெயரளவுக்குத் திட்டங்களை அறிவித்துவிட்டு, அவற்றின் உருவாக்கத்தில் நீங்கள் செய்த ஊழல்கள், தோ்தல் நேரத்தில் வெற்று விளம்பரத்துக்காக செய்யப்பட்ட அறிவிப்புகளால் வெறுத்துப் போனதால்தானே, கொளத்தூா் மக்களே உங்களை தோல்வியடையச் செய்தாா்கள்?

தமிழ்நாட்டு மக்கள் உங்கள் கட்சி வேட்பாளா்களில் பெரும்பாலானவா்களைத் தோற்கடித்து வீட்டுக்கு அனுப்பினா். அதன்பிறகும், உண்மையை உணராமல், ‘என் திட்டம்... என் திட்டம்...’ என்று பெருமைபேசி, சமூக வலைதளங்களில் பொறாமையில் பொங்கித் தவிக்கும் உங்களை மக்கள் இனிமேல் எந்தக் காலத்திலும் நம்ப மாட்டாா்கள் எனத் தெரிவித்துள்ளாா்.