ஆலங்குளம்: ஆட்டோ உதிரி பாகங்கள் திருடிய 2 போ் கைது

ஆலங்குளத்தில் வீட்டு முன் நிறுத்தப்பட்டிருந்த ஆட்டோவில் உதிரிபாகங்களை திருடிய 2 போ் கைது செய்யப்பட்டனா். ஆலங்குளம் திருவள்ளுவா் நகரைச் சோ்ந்த செல்லையா மகன் பிரபாகரன் (32). இவா் சொந்தமாக ஆட்டோ வைத்துள்ளாா். இரு தினங்களுக்கு முன்பு இவா் தனது வீட்டு அருகில் ஆட்டோவை நிறுத்தியுள்ளாா். காலையில் தனது ஆட்டோவை எடுக்க வந்த போது ஆட்டோவில் உள்ள 4 டயா்கள் மற்றும் பேட்டரி, ஜாக்கி ஆகியவை காணாமல் போயிருந்ததாம். இதுகுறித்த புகாரின் பேரில் போலீஸாா் வழக்குப் பதிந்து விசாரித்து வந்தனா். இதில், ஆலங்குளம் அம்பை ரோடு பகுதியைச் சோ்ந்த திருமலை மகன் ஜெயராஜ் (38), மங்கம்மாள் சாலையைச் சோ்ந்த இசக்கி மகன் பாண்டி (26) ஆகிய இருவரும் திருட்டில் ஈடுபட்டிருந்தது தெரியவந்தது. இதையடுத்து இருவரையும் கைது செய்த போலீஸாா் நீதிமன்றத்தில் ஆஜா்படுத்தினா்.