ஓடும் பேருந்தில் பெண்ணிடம் நகை திருட்டு

திருநெல்வேலி - தென்காசி ஒன் டூ ஒன் பேருந்தில் 15 பவுன் தங்க நகைகளைத் திருடிய நபரை போலீஸாா் தேடி வருகின்றனா்.

தென்காசி மாவட்டம் வல்லம் காமராஜா் தெருவை சோ்ந்த பெனில்ஸ் மனைவி மரியசுதா(45). இவா், திருநெல்வேலி மாவட்டம் முக்கூடல் அருகே சிங்கம்பாறையில் உள்ள அரசு உதவிபெறும் பள்ளியில் ஆசிரியராகப் பணியாற்றி வருகிறாா்.

திருநெல்வேலியில் உறவினா் வீட்டுத் திருமணத்துக்கு தனது உறவினா் மகன் ஆல்வினுடன் ஞாயிற்றுக்கிழமை சென்று விட்டு, தென்காசி செல்லும் ஒன் டூ ஒன் அரசுப் பேருந்தில் ஏறினாராம்.

பேருந்து புறப்பட்ட சிறிது நேரத்தில் அவா் தனது கைப்பையில் வைத்திருந்த சுமாா் 15 பவுன் தங்க நகைகளை காணவில்லை என பேருந்து நடத்துநரிடம் கூறினாராம். இருக்கை அருகில் இருந்தவா்களிடம் விசாரித்தபோது நகை குறித்து ஏதும் தெரியவில்லையாம்.

இதையடுத்து, பேருந்தை ஓட்டுநா் ஆலங்குளம் காவல் நிலையத்துக்கு ஓட்டிச் சென்றாராம். போலீஸாா் பயணிகளிடம் தனித்தனியே சோதனை மேற்கொண்டும் நகை கிடைக்கவில்லையாம். இதையடுத்து சுமாா்ஒரு மணி நேரத்துக்குப் பின்னா் பேருந்து தென்காசி நோக்கி சென்றது.

இதுகுறித்து மரிய சுதா அளித்த புகாரின்பேரில், ஆலங்குளம் போலீஸாா் வழக்குப் பதிந்து விசாரணை மேற்கொண்டுள்ளனா்.