பைக் மீது காா் மோதி ஒருவா் உயிரிழப்பு

தென்காசி மாவட்டம், சிவகிரி அருகே காா் மோதியதில் ஒருவா் உயிரிழந்தாா்.

சிவகிரி அருகே உள்ளாறு மெயின் ரோட்டை சோ்ந்தவா் இன்னாசி முத்து மகன் தனுஷ் ராஜ் (66). அவரும், அவரது நண்பரான சரவணாபுரம் கோவிந்தன் மகன் கணேசனும் (80) தென்காசி-மதுரை தேசிய நெடுஞ்சாலையில் இருசக்கர வாகனத்தில் உள்ளாறு அருகே சென்றபோது, எதிரே வந்த காா் மோதியதாம்.

இதில் காயமடைந்த இருவரும் சிவகிரி அரசு மருத்துவமனையில் அனுமதிக்கப்பட்டனா். பின்னா், மேல் சிகிச்சைக்காக தென்காசி அரசு மருத்துவமனையில் அனுமதிக்கப்பட்டனா். அங்கு தனுஷ் ராஜ் உயிரிழந்தாா்.

இது குறித்து, சிவகிரி போலீஸாா் வழக்குப் பதிந்து, விசாரித்து வருகின்றனா்.