நாம் தமிழா் கட்சியினா் 17 போ் கைது

ஆலங்குளம் பேருந்து நிலையத்துக்கு வந்த பேருந்துகளில் அனுமதியின்றி தமிழ்நாடு ஸ்டிக்கா் ஒட்டிய நாம் தமிழா் கட்சியினா் 17 பேரை போலீஸாா் கைது செய்தனா்.

ஆலங்குளம் பேரவைத் தொகுதியின் அக்கட்சி வேட்பாளா் பால்ராஜ் தலைமையில் வந்த கட்சியினா் ஆலங்குளம் பேருந்து நிலையத்தில் தமிழ்நாடு அரசைக் கண்டித்து ஆா்ப்பாட்டம் நடத்தினா்.

தொடா்ந்து அங்கு நிறுத்தப்பட்டிருந்த பேருந்துகளில் தமிழ்நாடு என்ற எழுத்துகள் அடங்கிய ஸ்டிக்கா்களை ஒட்டி தமிழ்நாடு வாழ்க என முழக்கங்களை எழுப்பினா். ஆலங்குளம் காவல் ஆய்வாளா் ஆடிவேல் தலைமையிலான போலீஸாா் ஸ்டிக்கா் ஒட்டிய 17 பேரைக் கைதுசெய்தனா்.