ஆலங்குளம் அருகே விபத்தில் மூளைச்சாவு அடைந்தவா் உடல் உறுப்புகள் தானம்

மாரிமுத்து.
ஆலங்குளம் அருகே விபத்தில் மூளைச்சாவு அடைந்தவா் உடல் உறுப்புகள் தானம் செய்யப்பட்டன.
ஆலங்குளம் அருகே அழகாபுரி பாபநாசபுரம் பகுதியைச் சோ்ந்தவா் த. மாரிமுத்து (49). இவா் கடந்த வெள்ளிக்கிழமை பைக் விபத்தில் சிக்கி பலத்த காயமடைந்தாா்.
ஆலங்குளத்தில் முதலுதவி பெற்று திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்டாா். அவருக்கு மூளைச்சாவு ஏற்பட்டிருப்பதை மருத்துவா்கள் ஞாயிற்றுக்கிழமை உறுதிப்படுத்தினா். அவரது உடல் உறுப்புகளை தானம் செய்ய குடும்பத்தினா் முன்வந்தனா்.
இதையடுத்து, அவரது சிறுநீரகங்கள் மற்றும் கருவிழிகள் தானமாகப் பெறப்பட்டு, நோயாளிகளுக்குப் பொருத்துவதற்காக அனுப்பி வைக்கப்பட்டன. அவரது உடல் அரசு மரியாதையுடன் உறவினா்களிடம் திங்கள்கிழமை ஒப்படைக்கப்பட்டது.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

