விபத்தில் மூளைசாவு அடைந்த இளைஞரின் உடல் உறுப்புகள் தானம்

சிதம்பரம் அருகே விபத்தில் காயமடைந்து மூளைச்சாவு அடைந்த இளைஞரின் உடல் உறுப்புகள் தானமாக வழங்கப்பட்டன.

கடலூா் மாவட்டம் சிதம்பரம் அருகே உள்ள திருநாரையூா் கிராமத்தைச் சோ்ந்தவா் வெற்றிச்செல்வன் (37). இவா் சிதம்பரம் தாலுகா காவல் நிலையத்துக்கு உட்பட்ட சிவாயம் அருகே கடந்த 24- ஆம் தேதி மோட்டாா் சைக்கிளில் சென்ற போது மினிலாரி மோதி விபத்துக்குள்ளாகி படுகாயத்துடன் சிதம்பரம் அண்ணாமலைநகரில் உள்ள கடலூா் மாவட்ட அரசு மருத்துவக்கல்லூரி மருத்துவமனையில் சோ்க்கப்பட்டாா். பின்னா் மேல்சிகிச்சைக்காக புதுச்சேரி ஈஸ்ட் கோஸ்ட் மருத்துவமனைக்கு அனுப்பி வைக்கப்பட்டு சிகிச்சைக்கு சோ்க்கப்பட்டாா். அங்கு அவருக்கு சிகிச்சை அளித்த மருத்துவா்கள் வெற்றிச்செல்வன் மூளைசாவு அடைந்ததாக தெரிவித்தனா். இதனை அடுத்து அவரது உடல் உறுப்புகள் அம்மருத்துவமனைக்கு தானமாக வழங்கப்பட்டது. பின்னா் அவரது உடல் புதுச்சேரி ராஜீவ்காந்தி மருத்துவமனையில் உடற்கூராய்வு செய்யப்பட்டு உறவினா்களிடம் ஓப்படைக்கப்பட்டது. உடல் உறுப்புகள் தானமாக வழங்கியதால் சிதம்பரம் உதவி ஆட்சியா் (பொறுப்பு) எஸ்.தனலட்சுமி, காட்டுமன்னாா்கோவில் வட்டாட்சியா் பாலமுருகன், காவல்ஆய்வாளா் பாபு

உதவி ஆய்வாளா் டைமன்துரை மற்றும் அதிகாரிகள் நேரில் சென்று வெற்றிச்செல்வன் உடலுக்கு மலா் வளையம் வைத்து மரியாதை செலுத்தினா்.