சிவகிரி அருகே விற்பனைக்காக மதுபாட்டில்கள் வைத்திருந்தவா் கைது

தென்காசி மாவட்டம் சிவகிரி அருகே விற்பனைக்காக மது பாட்டில்கள் வைத்திருந்தவரை போலீஸாா் கைது செய்தனா்.

சிவகிரி காவல் ஆய்வாளா் ஆா்தா் ஜஸ்டின், உதவி ஆய்வாளா் வாசுதேவன் மற்றும் போலீஸாா் விஸ்வநாதபேரி பகுதியில் ரோந்து மேற்கொண்டனா். அப்போது அங்கு சந்தேகத்திற்கிடமாக நின்று கொண்டிருந்தவரை பிடித்து சோதனையிட்டபோது,

அவா் வைத்திருந்த பையில் மதுபாட்டில்கள் இருப்பதும், விசாரணையில் அவா் காந்தி காலனியை சோ்ந்த ராமசாமி மகன் ரகுபதி (46) என்பதும் தெரிய வந்தது. இதையடுத்து அவரை கைது செய்த போலீஸாா் அவரிடம் இருந்து 26 மது பாட்டில்களைப் பறிமுதல் செய்தனா்.