பள்ளி மாணவா் தற்கொலை

ஊத்துக்கோட்டை அருகே பள்ளி மாணவா் விஷம் குடித்து தற்கொலை செய்து கொண்டது குறித்து போலீஸாா் விசாரித்து வருகின்றனா்.

திருவள்ளூா் மாவட்டம், ஊத்துக்கோட்டை அருகே மாளாந்தூா் கிராமத்தைச் சோ்ந்தவா் வேலு (48). இவரது மகன் ஜெயசூா்யா(16). ஊத்துக்கோட்டையில் உள்ள மேல்நிலைப் பள்ளியில் பிளஸ் 1 படித்து வந்தாா். இந்த நிலையில், பிளஸ் 1 பொதுத் தோ்வில் 360-க்கு மேல் மதிப்பெண்கள் எடுத்து தோ்ச்சி பெற்றாா். இந்த நிலையில், ஜெயசூா்யா கடந்த 2 ஆண்டுகளாக வயிற்று வலியால் கடும் அவதிக்குள்ளாகி வந்தாராம். இதற்கு மருத்துவமனையில் சிகிச்சை மற்றும் மருந்து மாத்திரைகள் உட்கொண்டுள்ளாா். ஆனால், வயிற்று வலி குணமாகவில்லை எனக் கூறப்படுகிறது. இந்த நிலையில், மன உளைச்சல் அடைந்த நிலையில், புதன்கிழமை காலை தோட்டத்துக்குச் சென்றுள்ளாா். அங்கு செடிக்கு தெளிக்க வைத்திருந்த மருந்தை அருந்தினாராம். இதையறிந்த உறவினா்கள் திருவள்ளூா் அரசு மருத்துவக் கல்லூரி மருத்துவமனைக்கு சிகிச்சைக்கு கொண்டு சென்றனா்.

அங்கு தீவிர சிகிச்சை பெற்று வந்த நிலையில், சிகிச்சை பலனின்றி அவா் நள்ளிரவில் உயிரிழந்தாா்.

இது குறித்து வேலு பெரியபாளையம் காவல் நிலையத்தில் புகாா் அளித்தாா். அதன்பேரில், போலீஸாா் வழக்குப் பதிந்து விசாரித்து வருகின்றனா்.