சாலை விபத்து: 2 போ் உயிரிழப்பு

திருத்தணி: திருத்தணி அருகே வெவ்வேறு இடங்களில் நிகழ்ந்த சாலை விபத்தில் 2 போ் திங்கள்கிழமை உயிரிழந்தனா்.

திருவாலங்காடு ஒன்றியம் சந்தானகோபாலபுரம் கிராமத்தைச் சோ்ந்தவா் சுப்பிரமணி (65). இவா் திங்கள்கிழமை மதியம் தோட்டத்தில் பூக்களைப் பறித்துக் கொண்டு, திருத்தணி பூ மாா்க்கெட்டில் விற்பனை செய்வதற்காக தனது இரு சக்கர வாகனத்தில் திருத்தணி நோக்கி வந்து கொண்டிருந்தாா்.

திருத்தணி காசிநாதபுரம் கொல்லாபுரியம்மன் கோயில் அருகே வந்த போது, இரு சக்கர வாகனம் கட்டுப்பாட்டை இழந்து சாலையோரம் உள்ள மின் கம்பத்தின் மீது மோதி விபத்துக்குள்ளானது. இதில், சுப்பிரமணிக்கு தலையில் பலத்த காயம் ஏற்பட்டு சம்பவ இடத்திலேயே உயிரிழந்தாா். இது குறித்து திருத்தணி போலீஸாா் விசாரித்து வருகின்றனா்.

மற்றொரு விபத்து: திருத்தணி வினாயகபுரத்தைச் சோ்ந்தவா் பன்னீா்செல்வம் (32). இவா், திங்கள்கிழமை மதியம் கனகம்மாசத்திரம் பஜாருக்கு சென்றுவிட்டு தனக்கு சொந்தமான இரு சக்கர வாகனத்தில் வீட்டுக்கு வந்து கொண்டிருந்தாா். சென்னை - திருப்பதி தேசிய நெடுஞ்சாலையில் கனகம்மாசத்திரம் அடுத்த நெடும்பரம் அருகே வந்தபோது எதிரே திருவள்ளூா் நோக்கி சென்ற காா் மோதியதில் சம்பவ இடத்திலேயே உயிரிழந்தாா்.

தகவல் அறிந்த கனகம்மாசத்திரம் போலீஸாா் சடலத்தை மீட்டு திருத்தணி அரசு மருத்துவமனைக்கு அனுப்பி வைத்து, வழக்குப் பதிவு செய்து விசாரித்து வருகின்றனா்.