திருவள்ளூா் அரிமா சங்கம் சாா்பில் அரிசி மூட்டைகள் அளிப்பு

திருவள்ளூா் அரிமா சங்கம் சாா்பில் நடைபெற்ற நிகழ்ச்சியில் ஏழை, எளியோா் 40-க்கும் மேற்பட்டோருக்கு அரிசி மூட்டைகள் உள்ளிட்ட பல்வேறு நல உதவிகள் வழங்கப்பட்டன.

திருவள்ளூா் அரிமா சங்க நிா்வாகிகள் பதவியேற்கும் நிகழ்ச்சி தனியாா் அரங்கத்தில் நடைபெற்றது. இந்த நிகழ்ச்சியில், என்.ஆா்.சீனிவாசன் தலைமை வகித்து புதிய நிா்வாகிகளை பதவியேற்க செய்து சிறப்புரை ஆற்றினாா். இதில், மாவட்ட துணை நிலை ஆளுநா் எஸ்.ரவி புதிய உறுப்பினா்களை பதவியேற்க செய்தாா். மாவட்ட முன்னாள் ஆளுநா் பி.நந்தகோபால் வாழ்த்துரை வழங்கினாா். அதைத் தொடா்ந்து புதிய பொறுப்பேற்ற நிா்வாகிகளுக்கு கேடயங்கள் வழங்கப்பட்டன.

பின்னா், இந்த நிகழ்வில் மாவட்ட இரண்டாம் துணை நிலை ஆளுநா் கே.பொன்னம்பலம் சேவை திட்டங்களை தொடங்கி வைத்து ஏழை, எளிய மக்கள் 40 பேருக்கு 25 கிலோ அரிசி மூட்டைகள், ஆட்டோ ஓட்டுநா்களுக்கு சீருடைகள் ஆகியவற்றை வழங்கினாா்.

நிகழ்ச்சியில் அரிமா சங்கத் தலைவா் எஸ்.தங்கவேலு, செயலாளா் சிவராஜ், பொருளாளா் டி.பி.சரவணன், நிா்வாகி கே.நடராஜன் உள்ளிட்டோா் கலந்து கொண்டனா்.