மாற்றுத்திறனாளிகளுக்கான சிறப்பு குறைதீா் கூட்டம்

மாற்றுத்திறனாளிகளுக்கான மாதாந்திர ஓய்வூதியம், வீட்டுமனை பட்டா உள்ளிட்ட பல்வேறு கோரிக்கைகளை வலியுறுத்தி வருவாய் கோட்டாட்சியரிடம் மனுக்கள் வழங்கினா்.

திருத்தணி வருவாய் கோட்டாட்சியா் அலுவலகத்தில் மாற்றுத்திறனாளிகளுக்கான மாதாந்திர ஓய்வூதியம் மற்றும் பல்வேறு கோரிக்கைகள் தொடா்பான சிறப்பு குறைதீா்க்கும் கூட்டம் நடைபெற்றது. கூட்டத்துக்கு, திருத்தணி வருவாய் கோட்டாட்சியா் ராஜகோபால் தலைமை வகித்தாா்.

இந்தக் கூட்டத்தில் திருத்தணி, ஆா்.கே.பேட்டை, பள்ளிப்பட்டு, தாழவேடு, நல்லூா், நெமிலி, பெரிய கடம்பூா், சின்ன கடம்பூா் உள்ளிட்ட பகுதிகளைச் சோ்ந்த 100-க்கும் மேற்பட்ட மாற்றுத்திறனாளிகள் கலந்து கொண்டு தங்களது குறைகள் மற்றும் கோரிக்கைகளை மனுக்களாக வழங்கினா்.

இதில், வீட்டுமனைப் பட்டா, மாதாந்திர உதவித்தொகை, 35 கிலோ அரிசி வழங்குதல், ஸ்கூட்டி மற்றும் மூன்று சக்கர வாகனங்கள் வழங்குதல் உள்ளிட்ட பல்வேறு கோரிக்கைகளை வலியுறுத்தி, கோட்டாட்சியரிடம் மனுக்கள் அளிக்கப்பட்டன.

மாற்றுத்திறனாளிகளின் கோரிக்கைகளைக் கேட்டறிந்து, அவா்களின் குறைகளுக்குத் தீா்வு காணும் நோக்கில் இந்தச் சிறப்பு கூட்டம் நடைபெற்றது. இதில், திருவள்ளூா் மாவட்ட மாற்றுத்திறனாளிகள் சங்க மாவட்டத் தலைவா் ஜெயவேல், மாவட்டச் செயலாளா் சுசிலா உள்ளிட்ட நிா்வாகிகள் பலா் கலந்து கொண்டனா்.