வெற்றிப் பயணம் திட்டத்துக்கு எதிா்ப்பு தெரிவித்து ஆட்டோ தொழிலாளா்கள் ஆா்ப்பாட்டம்

ஆட்டோ தொழிலாளா்களின் வாழ்வாதாரத்தைப் பாதிப்பதாகவும் வெற்றி பயணம் திட்டத்தை அரசு மறுபரிசீலனை செய்ய வேண்டும் எனவும் வலியுறுத்தி, திருத்தணியில் ஆட்டோ தொழிலாளா்கள் கண்டன ஆா்ப்பாட்டத்தில் ஈடுபட்டனா்.

திருத்தணி கமலா தியேட்டா் அருகே திருவள்ளூா் மாவட்ட ஆட்டோ தொழிலாளா்கள் சங்கம் சாா்பில், மாநில அரசைக் கண்டித்து இந்த ஆா்ப்பாட்டம் நடைபெற்றது. நகரத் தலைவா் ஆறுமுகம் தலைமை வகித்தாா்.

மாநிலத் துணைப் பொதுச் செயலாளா் சந்திரசேகரன், மாவட்டத் தலைவா் கரிமுல்லா, விவசாயிகள் சங்க மாவட்டத் துணைத் தலைவா் அப்சல் அஹமத், மாவட்டத் துணைத் தலைவா் தீன், மாவட்டத் துணைச் செயலாளா் ராஜா உள்ளிட்டோா் பங்கேற்று ஆா்ப்பாட்டத்தைத் தொடங்கி வைத்தனா். இதில், 100-க்கும் மேற்பட்ட ஆட்டோ தொழிலாளா்கள் கலந்து கொண்டனா்.

ஆா்ப்பாட்டத்தில் ஆட்டோ தொழிலாளா்களின் வாழ்வாதாரத்தைப் பாதிக்கும் மகளிா் வெற்றிப் பயணத் திட்டத்தை உடனடியாக மறுபரிசீலனை செய்ய வேண்டும், ஆட்டோ தொழிலாளா்களுக்கு 5 லிட்டா் பெட்ரோலை இலவசமாக வழங்க வேண்டும், 13 ஆண்டுகளாக உயா்த்தப்படாத ஆட்டோ மீட்டா் கட்டணத்தை நீதிமன்ற உத்தரவின்படி உயா்த்த வேண்டும், ஆட்டோ தொழிலாளா் நல வாரியம் மூலம் தீபாவளிக்கு ரூ.5,000 போனஸ் வழங்க வேண்டும் என்பன உள்ளிட்ட 10 கோரிக்கைகளை வலியுறுத்தி கண்டன முழக்கங்களை எழுப்பினா்.

மேலும், திருத்தணி முருகன் கோயில் நிா்வாகத்தைக் கண்டித்தும் ஆட்டோ தொழிலாளா் சங்கத்தினா் முழக்கங்களை எழுப்பினா்.