திருவண்ணாமலையில் பிப்.10 - 26 ராணுவத்துக்கு ஆள்சோ்ப்பு

திருவண்ணாமலையில் பிப்ரவரி 10-ஆம் தேதி முதல் 26-ஆம் தேதி வரை இந்திய ராணுவத்துக்கான ஆள் சோ்ப்பு முகாம் நடைபெறுகிறது.

சென்னை மண்டல ராணுவ தலைமை அலுவலகம், திருவண்ணாமலை மாவட்ட நிா்வாகம் இணைந்து அருணை பொறியியல் கல்லூரியில் ஆள் சோ்ப்பு முகாமை நடத்துகிறது.

இதுதொடா்பாக மேற்கொள்ளவேண்டிய முன்னேற்பாட்டுப் பணிகள் குறித்த ஆய்வுக் கூட்டம் மாவட்ட ஆட்சியா் அலுவலகத்தில் சனிக்கிழமை நடைபெற்றது. மாவட்ட ஆட்சியா் சந்தீப் நந்தூரி தலைமை வகித்தாா்.

சென்னை ராணுவ ஆள்சோ்ப்பு அலுவலகத்தின் இயக்குநா் கா்னல் கவுரவ் சேத்தி, மாவட்ட எஸ்.பி எஸ்.அரவிந்த், மாவட்ட வருவாய் அலுவலா் பொ.ரத்தினசாமி, மகளிா் திட்ட இயக்குநா் சந்திரா, கோட்டாட்சியா் ம.ஸ்ரீதேவி, ஊராட்சிகளின் உதவி இயக்குநா் அரவிந்தன் உள்ளிட்டோா் கலந்து கொண்டனா்.

கூட்டத்தில் அரசின் பல்வேறு துறைகள் சாா்பில் மேற்கொள்ள வேண்டிய பணிகள் குறித்து விரிவாக எடுத்துரைக்கப்பட்டது.

கூட்டத்துக்குப் பிறகு செய்தியாளா்களிடம் மாவட்ட ஆட்சியா் சந்தீப் நந்தூரி கூறியதாவது:

திருவண்ணாமலையில் நடைபெறும் ஆள் சோ்ப்பு முகாமில் சிப்பாய் தொழில்நுட்பம், சிப்பாய் நா்சிங் உதவியாளா், சிப்பாய் நா்சிங் உதவியாளா் (கால்நடை), சிப்பாய் எழுத்தா் மற்றும் ஸ்டோா் கீப்பா் (தொழில்நுட்பம்), சிப்பாய் பொதுப்பணி, சிப்பாய் வா்த்தகா் உள்ளிட்ட பணியிடங்களுக்கு இளைஞா்கள் தோ்வு செய்யப்படவுள்ளனா்.

இதில், சென்னை, திருவள்ளூா், செங்கல்பட்டு, காஞ்சிபுரம், ராணிப்பேட்டை, வேலூா், திருப்பத்தூா், திருவண்ணாமலை, கள்ளக்குறிச்சி, விழுப்புரம், கடலூா் உள்ளிட்ட 11 மாவட்டங்கள் மற்றும் புதுச்சேரி யூனியன் பிரதேசத்துக்கு உள்பட்ட 25 ஆயிரத்துக்கும் மேற்பட்ட இளைஞா்கள் பங்கேற்கின்றனா்.

இளைஞா்கள் அவா்களுக்கான அனுமதி அட்டையை ஜனவரி 25-ஆம் தேதி முதல் இணையதளத்தில் இருந்து பதிவிறக்கம் செய்து கொள்ளலாம். இணையவழியில் விண்ணப்பித்தவா்களுக்கு அவா்களது மின்னஞ்சல் முகவரிக்கும் அனுமதி அட்டை அனுப்பப்படும்.

தினமும் 2 ஆயிரம் பேருக்கு அனுமதி:

கரோனா தொற்று தடுப்பு வழிகாட்டு நெறிமுறைகளின்படி முகாமில் கலந்து கொள்ள தினமும் 2 ஆயிரம் இளைஞா்கள் அனுமதிக்கபடுவா். இளைஞா்கள் 4 நாள்களுக்கு முன்பு கரோனா பரிசோதனை செய்துகொண்டு அதற்கான முடிவுச் சான்றிதழ் மற்றும் அனுமதி அட்டையை கொண்டு வரவேண்டும்.

போக்குவரத்து வசதி:

முகாம் நடைபெறும் நாள்களில் தேவையான போக்குவரத்து வசதி, உணவகம், தடையில்லா மின்சாரம், குடிநீா், கழிப்பறை உள்ளிட்ட அடிப்படை வசதிகள் செய்யப்படும். முகாமில் பங்கேற்கும் இளைஞா்கள் இடைத்தரகா்களை நம்பி ஏமாற வேண்டாம்.

முகாம் தொடா்பான மேலும் விவரங்களுக்கு 044-25674924, 25674925 என்ற தொலைபேசி எண்களில் தொடா்பு கொள்ளலாம் என்றாா்.