ஹெச்டிஎஃப்சி நிகர லாபம் ரூ.3,961 கோடி

வீட்டு வசதிக்கு நிதியுதவி வழங்கி வரும் ஹெச்டிஎஃப்சி நிறுவனம் நான்காவது காலாண்டில் ரூ.3,961 கோடி நிகர லாபம் ஈட்டியது. கடந்த 2016-17 நிதி ஆண்டில் ஜனவரி முதல் மார்ச் வரையிலான கால அளவில் ஈட்டிய லாபமான ரூ.3,079.33 கோடியுடன் ஒப்பிடுகையில் இது 28.63% அதிகம். வருவாய் ரூ.18,040.59 கோடியிலிருந்து 17.78% அதிகரித்து ரூ.21,248.79 கோடியானது.
சென்ற முழு நிதி ஆண்டில் மொத்த வருவாய் ரூ.61,087.63 கோடியிலிருந்து உயர்ந்து ரூ.69,141.67 கோடியாகவும், நிகர லாபம் ரூ.11,051.12 கோடியிலிருந்து 39.23 சதவீதம் அதிகரித்து ரூ.16,254.96 கோடியாகவும் இருந்தன.
முதலீட்டாளர்களுக்கு சென்ற நிதி ஆண்டுக்கு ரூ.2 முகமதிப்பைக் கொண்ட பங்கு ஒன்றுக்கு ரூ.16.50 இறுதி ஈவுத்தொகையாக வழங்க நிறுவனத்தின் இயக்குநர்கள் குழு பரிந்துரைத்துள்ளது என ஹெச்டிஎஃப்சி நிறுவனம் தெரிவித்துள்ளது.