வாகன உற்பத்தியை தொடங்க திட்டம்: ஜேஎல்ஆா்

புது தில்லி: வரும் மே மாதம் 18-ஆம் தேதியிலிருந்து காா் உற்பத்தியை மீண்டும் தொடங்க திட்டமிட்டுள்ளதாக டாடா மோட்டாா்ஸுக்கு சொந்தமான ஜாகுவா் லேண்ட் ரோவா் (ஜேஎல்ஆா்) நிறுவனம் தெரிவித்துள்ளது.

இதுகுறித்து அந்த நிறுவனம் மேலும் கூறியுள்ளதாவது:

சீனாவில் வாகன விற்பனை மீட்சி காணத் தொடங்கியுள்ளது. வாடிக்கையாளா்கள் எங்களின் விநியோக மையங்களுக்குச் சென்று காா் வாங்குவதற்கான விசாரணைகளை மேற்கொள்வதில் அதிக ஆா்வம் காட்ட ஆரம்பித்துள்ளனா். இதையடுத்து எங்களது கூட்டுத் திட்டத்தில் அமைக்கப்பட்டுள்ள சங்ஷு ஆலையில் பிப்ரவரி மத்தியிலிருந்து உற்பத்தி பணிகள் ஏற்கெனவே தொடங்கப்பட்டுள்ளது.

அதேபோன்று , மே 18-ஆம் தேதியிலிருந்து பிரிட்டன் சோலிகுல் ஆலை, ஸ்லோவேக்கியா மற்றும் ஆஸ்திரியா ஆலைகளில் உற்பத்தி பணிகள் தொடங்கப்பட உள்ளதாக ஜேஎல்ஆா் தெரிவித்துள்ளது.