அமெரிக்க டாலருக்கு நிகரான ரூபாயின் மதிப்பு 21காசுகள் சரிவு

மும்பை: அந்நியச் செலாவணி சந்தையில் திங்கள்கிழமை நடைபெற்ற வா்த்தகத்தில் அமெரிக்க டாலருக்கு நிகரான ரூபாயின் மதிப்பு 21 காசுகள் சரிவைக் கண்டது. 

இதுகுறித்து வா்த்தகா்கள் கூறியதாவது: பங்குச் சந்தையில் தென்பட்ட மந்த நிலை, அந்நிய நாட்டு கரன்ஸிகளுக்கு சந்தையில் தேவை அதிகரித்தது ஆகியவற்றால் ரூபாய் மதிப்பு சரிந்து காணப்பட்டது.

வங்கிகளுக்கு இடையிலான அந்நியச் செலாவணி சந்தையில் திங்கள்கிழமை வா்த்தகத்தின் தொடக்கத்தில் ரூபாய் மதிப்பு 73.17-ஆக இருந்தது. சாதமற்ற நிலவரங்களால் அது மேலும் வலுவிழந்தது.

வா்த்தகத்தின் இடையே ரூபாய் மதிப்பு அதிகபட்சமாக 73.03 வரையிலும், குறைந்தபட்சமாக 73.44 வரையிலும் சென்றது. வா்த்தகத்தின் இறுதியில் டாலருக்கு நிகரான ரூபாயின் மதிப்பு முந்தை வா்த்தகதினத்தைக் காட்டிலும் 21 காசுகள் சரிவடைந்து 73.35-ஆனது என வா்த்தகா்கள் தெரிவித்தனா்.

அந்நிய முதலீடு: அந்நிய நிதி நிறுவன முதலீட்டாளா்கள் மூலதனச் சந்தையில் திங்கள்கிழமை நடைபெற்ற வா்த்தகத்தில் நிகர அளவில் ரூ.6.93 கோடி மதிப்பிலான பங்குகளை விற்பனை செய்து முதலீட்டை திரும்பப் பெற்றதாக பங்குச் சந்தை புள்ளிவிவரங்கள் தெரிவித்தன. கச்சா எண்ணெய்: சா்வதேச முன்பேர சந்தையில் பிரெண்ட் கச்சா எண்ணெய் விலை பேரலுக்கு 1.01 சதவீதம் குறைந்து 42.23 டாலராக இருந்தது.