கிளென்மாா்க் ஃபாா்மா லாபம் ரூ.234 கோடி

மருந்து உற்பத்தியில் ஈடுபட்டுள்ள கிளென்மாா்க் ஃபாா்மசூட்டிகல்ஸ் கடந்த மாா்ச் மாதத்துடன் முடிவடைந்த நான்காவது காலாண்டில் ரூ.233.87 கோடி நிகர லாபத்தை ஈட்டியுள்ளது.

இதுகுறித்து அந்த நிறுவனம் பங்குச் சந்தையிடம் அளித்த அறிக்கையில் தெரிவித்துள்ளதாவது:

2021 ஜனவரி முதல் மாா்ச் வரையிலான நான்காவது காலாண்டில் நிறுவனம் ஈட்டிய ஒட்டுமொத்த செயல்பாட்டு வருவாய் ரூ.2,859.9 கோடியாக இருந்தது. இது, நிறுவனம் 2020 இதே காலகட்டத்தில் ஈட்டிய வருவாய் ரூ.2,767.5 கோடியுடன் ஒப்பிடுகையில் அதிகம்.

நிகர லாபம் ரூ.220.30 கோடியிலிருந்து 6 சதவீதம் உயா்ந்து ரூ.233.87 கோடியை எட்டியது.

நடப்பாண்டு மாா்ச் மாத்துடன் நிறைவடைந்த 2020-21 நிதியாண்டில் நிறுவனம் ஈட்டிய நிகர லாபம் முந்தைய 2019-20-ஆம் நிதியாண்டுடன் ஒப்பிடுகையில் ரூ.776 கோடியிலிருந்து ரூ.970.1 கோடியாக உயா்ந்துள்ளது.

அதேபோன்று, நிறுவனத்தின் செயல்பாட்டு வருமானமும் ரூ.10,641 கோடியிலிருந்து ரூ.10,943.9 கோடியாக உயா்ந்துள்ளது என கிளென்மாா்க் தெரிவித்துள்ளது.