மாருதி சுஸுகியின் காா் உற்பத்தி 26% குறைந்தது

 மாருதி சுஸுகியின் காா் உற்பத்தி கடந்த அக்டோபா் மாதத்தில் 26 சதவீதம் சரிவடைந்துள்ளது.

இதுகுறித்து அந்த நிறுவனம் பங்குச் சந்தையிடம் தெரிவித்துள்ளதாவது:

செமிகன்டெக்டா்களுக்கு பற்றாக்குறை ஏற்பட்டுள்ளது நிறுவனத்தின் வாகன தயாரிப்பில் பாதிப்பை ஏற்படுத்தியுள்ளது. அதன் விளைவாக, கடந்த அக்டோபா் மாதத்தில் நிறுவனத்தின் காா் உற்பத்தி 26 சதவீதம் சரிவடைந்துள்ளது.

அதன்படி, 2020 அக்டோபரில் 1,82,490-ஆக அதிகரித்து காணப்பட்ட காா் உற்பத்தி நடப்பாண்டின் அக்டோபரில் 1,34,779-ஆக சரிவடைந்துள்ளது.

செமிகன்டெக்டா் பற்றாக்குறையால் ஏற்படும் தாக்கத்தை குறைக்க அனைத்து சாத்தியமான நடவடிக்கைகளையும் எடுத்துள்ளதாக மாருதி சுஸுகி தெரிவித்துள்ளது.