ரூ.13 லட்சம் மதிப்புள்ள சோனி ஸ்மார்ட் டிவி இந்தியாவில் அறிமுகம்

மின்னணு வர்த்தகத்தில் தனக்கென தனி தரத்தையும் வாடிக்கையாளர்களையும் கொண்டிருக்கும் சோனி நிறுவனம் தன்னுடைய புதிய ஸ்மார்ட் எல்ஈடி டிவியை இந்தியாவில் இன்று (செப்-24) அறிமுகம் செய்திருக்கிறது.

‘சோனி பிராவியா எக்ஸ் ஆர் 85இசட்9ஜே' என்கிற இந்த ஸ்மார்ட் டிவி அதி நவீன தொழில்நுட்ப வசதியில் 85- இன்ச் திரையுடன் தயாரிக்கப்பட்டிருக்கிறது.

இதையும் படிக்க | செல்போன் புகைப்படங்களைப் பாதுகாக்க கூகுள் அறிமுகப்படுத்தும் புதிய வசதி

’8 கே’எல்ஈடி டிவியான இது சோனி பிராவியா மாடல்களில் முதன்மையானது.

இது குறித்து சோனி நிர்வாகத் தரப்பில் , ‘ சோனியின் இந்தத் தயாரிப்பு பிரம்மாண்டமானது. 8கே எல்ஈடி தொழில்நுட்பத்தில் மிகத் துல்லியமான திரையுடன் உருவாக்கப்பட்டிருக்கிறது. பார்வையாளர்களை ஆச்சர்யப்படுத்தும் வகையில் உலகமே அவர்களை சுற்றிக்கொண்டிருப்பத்தைப் போன்ற மாயத் தோற்றம் ஏற்படுகிற மாதிரி இதன் துல்லியத்தன்மையும் ஒலி அமைப்பும் இருக்கும் ‘ எனத் தெரிவித்தனர்.

இந்தியாவில் இதன் ஆரம்பவிலையை ரூ.12,99,990 என நிர்ணயம் செய்திருக்கிறார்கள்.

சோனி பிராவியா எக்ஸ்ஆர் 85இசட்9ஜே சிறப்பம்சம் :

* 8 கே எல்ஈடி

* 85-இன்ச் திரை

* டால்பி விசன் மற்றும் டால்பி அட்மாஸ் ஒலி

* எக்ஸ் ஆர் டிரைலுமினஸ்

* கூகுள் வாய்ஸ் 

* எக்ஸ் ஆர் காண்டிராஸ்ட் பூஸ்டர் 15

* எல்ஈடி அர்ரே