விப்ரோவின் நிகர லாபம் ரூ.2,563 கோடியாக சரிவு

தகவல் தொழில்நுட்பத் துறையைச் சோ்ந்த விப்ரோ நிறுவனம் 2022 ஜூன் மாதத்துடன் முடிவடைந்த முதல் காலாண்டில் ரூ.2,563.6 கோடி நிகர லாபத்தை பதிவு செய்துள்ளது. இது, இதற்கு முந்தைய நிதியாண்டின் இதே காலகட்டத்தில் ஈட்டிய லாபம் ரூ.3,242.6 கோடியுடன் ஒப்பிடும்போது 20.6 சதவீதம் குறைவாகும்.

கணக்கீட்டு காலாண்டில் செயல்பாட்டின் மூலமாக நிறுவனம் ஈட்டிய வருமானம் 18 சதவீதம் உயா்ந்து ரூ.21,528.6 கோடியாக இருந்தது.

வரும் செப்டம்பா் காலாண்டில் நிறுவனத்தின் வருவாய் 2,817 மில்லியன் டாலரிலிருந்து 2,872 மில்லியன் டாலராக இருக்கும் என எதிா்பாா்க்கப்படுகிறது. இது, ஜூன் காலாண்டுடன் ஒப்பிடுகையில் 3-5 சதவீத வளா்ச்சியாகும் என விப்ரோ புதன்கிழமை வெளியிட்ட செய்திக்குறிப்பில் தெரிவித்துள்ளது.