டிவிஎஸ் மோட்டாா்: லாபம் ரூ.297 கோடி

 டிவிஎஸ் மோட்டாா் நிறுவனம் ஏப்ரல்-ஜூன் காலாண்டில் ஒட்டுமொத்த செயல்பாட்டின் மூலமாக ரூ.297 கோடி நிகர லாபத்தினை பதிவு செய்துள்ளது. அதேசமயம், கரோனா தாக்கம் காணப்பட்ட முந்தைய நிதியாண்டின் ஏப்ரல்-ஜூன் நிறுவனத்துக்கு ரூ.15 கோடி அளவுக்கு நிகர இழப்பு ஏற்பட்டது.

நிகழ் நிதியாண்டின் முதல் காலாண்டில் வாகன விற்பனையின் மூலமாக கிடைத்த வருவாய் கடந்தாண்டுடன் ஒப்பிடுகையில் ரூ.4,692 கோடியிலிருந்து ரூ.7,348 கோடியானது.

தனிப்பட்ட அடிப்படையில் நிறுவனத்தின் நிகர லாபம் ரூ.53 கோடியிலிருந்து ரூ.321 கோடியானது.

அதேபோன்று, 2021 ஜூன் காலாண்டில் 6.58 லட்சமாக இருந்த வாகன விறஅபனை 2022 ஜூன் காலாண்டில் 9.07 லட்சமாக காணப்பட்டது.

கடந்தாண்டின் முதல் காலாண்டில் பொதுமுடக்கம் அமல்படுத்தப்பட்டதால் தற்போதைய முதல் காலாண்டு நிதி நிலை முடிவுகளை ஒப்பீடு செய்ய இயலவில்லை என டிவிஎஸ் தெரிவித்துள்ளது.